Números 32:41 - Tayta Diospa Wilakuynin

⁴¹ Saynölami Manaséspa surin Jairpita miraq runakuna amorreo runakunapa wakin taksha markankunata sarikuyarqan. Say partitami jutisiyarqan Havot-jair jutin kananpaq.

Números 32:41 ပူးပေါင်းရင်းမြစ်များ

1 Reyes 4:13

Ben-gebermi gobernador karqan Galaadcho kaykaq Ramotcho. Paypa munayninchömi karqan Manaséspa surin Jair sharkasishqan markakuna. Say markakunapis Galaadchömi kayarqan. Saynömi Basáncho Argob provinciapis paypa munaynincho karqan. Saychömi soqta chunka (60) corralash jatusaq markakuna kayarqan. Say markakunaman yaykuna punkunkunapa trancankuna kayarqan broncipita rurashqami.

Deuteronomio 3:14

Argob partitami Manasés trïbu Jair jutiyuq runa sarikurkurqan Gesurpa y Maacapa lindërunyaq. Sarikurkurnami say partita kikin jutisirqan Havot-jair jutin kananpaq. Kananyaqpis say jutilami kaykan.

Josué 13:30

posisionnin karqan Mahanaimpita norti kaqläpa. Saymi karqan Basán partipa mandaqnin rey Og mandashqankuna, Jairpita miraq runakuna qechuyashqan soqta chunka (60) markakuna y Basáncho wakin markakunapis.

Jueces 10:4

Jairpami kayarqan kimsa chunka (30) olqu surinkuna. Say surinkuna lapanpis ashnun loqashlami puriyaq. Paykunami Galaad particho kaykaq kimsa chunka markakunapa mandaqnin kayarqan. Say markakunatami kananyaqpis Jairpa markankuna kashqanta niyan.