Números 32:12 - Tayta Diospa Wilakuynin

¹² Cenezeo runa Jefonipa surin Caleb y Nunpa surin Josuélami yärakayämashqanpita say nacionman yaykuyanqa>.

Números 32:12 ပူးပေါင်းရင်းမြစ်များ

Salmo 63:8

8 (9) Lapan shonqüwanmi qamman qelikämü. Aluq kaq makikiwanmi imaypis jancharämanki.

Números 14:22

Egiptucho y sunyaq jirkacho milagrukunata rurashqäta rikaqkuna manami ni juklaylapis chanqasu unay aylluykikunata promitishqä nacionman. Paykuna yaparir yaparir kikin munayashqanta rurasimayta munayashpanmi cäsukayämashsu. Manami mayqanpis sayno rabyanäsimaqkunaqa say nacionman chäyanqasu.

Números 14:24

Sirvimaqnï Calebmi isanqa nishqäkunata cäsukaman. Saymi rikapakamushqan nacionman payta yaykasishaq. Paypita miraqkunapis saychömi täyanqa.

Números 14:30

Jefonipa surin Calebwan Nunpa surin Josuélami promitishqä nacionman yaykuyanqa. Saypita kaqqa manami mayqaykikunapis yaykuyankisu.

Números 26:65

Sinaí jirkacho censayashqan runakunaqa lapanpis Tayta Dios nishqannölami sunyaq jirkacho wanur ushakäyarqan. Saymi qepa kaq censupaq mayqanpis karqansu. Jefonipa surin Caleb y Nunpa surin Josuélami kawaykar quëdayarqan.

Deuteronomio 1:36

Nishqäkunata cäsukushqanpita Jefonipa surin Calebmi isanqa rikapakamushqan chakrakunaman yaykunqa. Payta y paypita miraqkunatami say chakrakunata qoykushaq>.

Josué 15:17

Sayno niptinmi Cenazpa surin Otoniel say markaman yaykur saycho taqkunata vincirqan. Sayno vinciykuptinnami Calebqa surin Acsawan täsirqan. Otonielqa karqan Calebpa shulka wawqinpa surinmi.