Números 3:50 - Tayta Diospa Wilakuynin

⁵⁰ Sayno shuntarqan juk waranqa kimsa pachak soqta chunka pisqa (1,365) siclo qellaytami. Say siclukunata pësarqan Tinkuna Sagrädu Tolducho qellay pësakunawanmi.

Números 3:50 ပူးပေါင်းရင်းမြစ်များ

Números 3:49

Sayno niptinmi Israel runakunapa qechpa surinkunapita pägayashqanta ishkay pachak qanchis chunka kimsa (273) qellayta Moisés shuntarqan.

Números 3:51

Tayta Dios nishqannölami Aaróntawan surinkunata say qellayta Moisés entregarqan.

Mateo 20:28

Runapa Surinpis manami sirvish kananpaqsu shamush, sinöqa sirvinanpaq y runakuna rayku wanur askaqta salvananpaqmi>>.

Tito 2:14

Jusalikuypita jorqamänansipaqmi wanurqan. Perdonamashpansimi shuntakamashkansi kuyashqan runakuna kanansipaq y lapan shonqunsiwan imatapis alilata ruranansipaq.

Hebreos 9:12

Jana pasacho kaykaq Lugar Santïsimuman yaykunanpaqqa manami kay pasacho cürakuna rurayashqanno chïvupa y becërrupa yawarninta aparkur cada watasu yaykurqan, sinöqa kikinpa yawarninta jicharmi juk kutila yaykurqan. Saynöpami rantimashkansi imayyaqpis salvash kanansipaq.

1 Pedro 1:18

Unay aylluykikuna kawayashqannömi qamkunapis jusalikur kawayarqayki. Sayno kaykäyaptiki manami qellaywansu ni qoriwansu Tayta Dios rantiyäshushkanki,

1 Pedro 3:18

Jesucristupis jusaynaq kaykarmi jusasapakuna rayku nakarqan. Tayta Diosman pushamänansipaqmi jusalikushqansipita juk kutila wanurqan. Wanuptinpis Espíritu Santumi kawarisimurqan.