4 (3) Say qerukunata nistaykä Tayta Diosnïpa wayinta sharkasinäpaqmi. Say wayichömi payta adorar mushkuq inciensuwan qoshnisiyäshaq y sagrädu tantatapis qaqaylanpa churayäshaq. Tutapa y tardipa rupasina sacrificiutapis saychömi rupasiyäshaq. Saynölami rupasiyäshaq jamay junaqkunacho, lulu killa fiestakunacho y Tayta Diospa wakin fiestankunachöpis. Say fiestakunata imaypis rurayänäpaqmi Tayta Dios nirqan.
Saypita kutiykurmi wardiakunata Joiada churarqan Tayta Diospa templunta täpayänanpaq. Say wardiakunaqa cürakunapa y levitakunapa makinchömi kayarqan. Cürakunata y levitakunatami rey David unay churarqan Moisés qelqashqan leykunacho nishqannöla. Saymi paykunaqa Tayta Diospaq rupasina sacrificiukunata templucho trukanakuypa rupasiyaq y kushish alabayaq.
Mayqan junaqkunapis rupasiyänanpaq Moisés qelqashqan leykunacho nishqannölami say sacrificiukunata Salomón cadala rupasiq. Saymi rupasirqan jamay junaqkunacho, lulu killa fiestakunacho y cada wata kimsa fiestata rurayashqanchöpis. Say fiestakuna kayarqan Levadüraynaq Tantata Mikuna fiesta, Semäna fiesta y Ramäda fiestami.
33 (34) Say qellay kanqa sagrädu tantapaq, waran waran rupasina saki mikuy ofrendapaq, waran waran rupasina sacrificiukunapaq, jamay junaq sacrificiukunapaq, lulu killacho y wakin fiestakunachöpis sacrificiukunapaq, sagrädu ofrendakunapaq, jusalikuyashqanpita purificasina sacrificiukunapaq y Tayta Diosninsita adorash templucho ima gastupaqpis.
Cada wata rurayashqayki fiestakunacho, lulu killa fiestakunacho, jamay junaqkunacho y lapan fiestachöpis mandaq autoridänami kikinpa chakrankunapita sacrificiukunapaq apamunqa. Saynöpami kanqa rupasina sacrificiupaq, saki mikuy ofrendapaq, vïnu ofrendapaq, purificasina sacrificiupaq y jawka kawakuy sacrificiupaqpis. Saynöpami jusalikuyashqaykipita perdonayäshayki.