Números 21:29 - Tayta Diospa Wilakuynin

²⁹ ¡Wawalaw, moabita runakuna! Quemos jutiyuq diosta adoraqkuna, ushakashqami kayanki. Amorreo runakunapa mandaqnin rey Sehón shamuptinmi Quemos diosniki kachariykuyäshushpayki yanapäyäshurqaykinasu. Saymi olqu kaqkuna qeshpir aywakuyarqan. Warmi kaqkunatapis prësu sarirmi apakuyarqan.

Números 21:29 ပူးပေါင်းရင်းမြစ်များ

1 Reyes 11:33

Saynömi rurashaq Salomón manana cäsukamar Sidón runakuna adorayashqan Astoret diösata, moabita runakuna adorayashqan Quemos diosta y amonita runakuna adorayashqan Moloc diosta adorashqanpita. Payqa manami taytan Davidnösu mandamientükunata, leynïkunata y nishqäkunata cäsukush.

1 Reyes 11:7

Saymi Jerusalén markapa simpan lömacho moabita runakuna adorayashqan melanaypaq Quemos diospaq altarta sharkasirqan. Saynölami altarta sharkasirqan amonita runakuna adorayashqan melanaypaq Moloc diospaqpis.

2 Reyes 23:13

Jerusalén simpan Olivos löma sur kaqlächo kaykaq altarkunatapis impüruyäsirqanmi. Saykunatami rey Salomón unay rurasirqan Sidón runakuna adorayashqan Astoret diösata adorayänanpaq, moabita runakuna adorayashqan Quemos diosta adorayänanpaq y amonita runakuna adorayashqan Milcom diosta adorayänanpaq.

Isaías 15:5

Moabita runakuna sayno nakayänanpaq kaptin shonqü fiyupami lakinan. Paykuna Zoaryaq y Eglat-selesiyáyaqmi qeshpir aywakuyanqa. Luhitman wisänan cuestapami waqaraykar wisäyanqa. Horonaimman aywaq nänipa aywayashpanmi fiyupa waqayanqa.

Isaías 16:2

Moabpita qeshpiq warmikunaqa Arnón mayu väducho shuntakaykurmi shuyaräyanqa. Say warmikunaqa imapis mansakäsiptin qeshunpita aywakuq pishqunömi kayanqa.

Jeremías 48:13

Salvayta mana puëdiptinmi moabita runakunaqa Quemos diosninpita penqakuyanqa. Israel runakuna Bet-elcho ïduluman yärakuyashqanpita penqakuyashqannömi paykunapis penqakuyanqa.

Jeremías 48:45

<

Jeremías 48:46

<<¡Ay imanöraq kayanki, moabita runakuna! ¡Quemos diosta adoraq runakuna ushakäyanqami! ¡Surikikunatapis olquta warmitami prësu sarir apakuyanqa!

Jeremías 48:7

Qamkunaqa soldäduykikunaman y rïcu kayashqaykimanmi atiënikuykäyanki. Sayno kayaptikipis contraykikuna shamurmi vinciyäshunki. Quemos diosnikitapis apakuyanqami. Cürakunata y autoridäkunatapis prësumi apakuyanqa.

Números 24:17

Shamuq watakunacho imapis päsananpaq kaqtami rikaykä. Karucho kaykämuqtami rikaykä. Jacobpita miraq runakunapitami juk qoyllar yurinqa. Israel nacionchömi munayyuq rey kanqa. Moabita runakunatami asulanqa. Setpita miraqkunatapis ushakäsinqami.

Jueces 11:24

Quemos diosniki qoyäshushqaykikunaqa qamkunapaqmi kanqa y Tayta Diosnï qoyämashqankunaqa noqakunapaqmi kanqa.