Números 21:18 - Tayta Diospa Wilakuynin

¹⁸ Mandaqkunami pözuta uchkuyarqan. Respitädu runakunami tukrunkunawan uchkuyarqan>>. Say sunyaq jirkapita aywarmi Israel runakuna Matana partiman chäyarqan.

Números 21:18 ပူးပေါင်းရင်းမြစ်များ

Nehemías 3:1

Saypitanami mandaq cüra Eliasib cüra mayinkunawan shuntakaykur alsayarqan Uysha jutiyuq punkuta. Marcunkunata churarkurmi punkukunata tanayarqan. Murällata alsayarqan Pachak jutiyuq törripita hasta Hananeel törriyaqmi.

Nehemías 3:5

Saypita kaqtanami Tecoa marka runakuna alsayarqan. Isanqa respitädu mayor Tecoa runakunaqa manami yanapayta munayarqansu.

Isaías 33:22

Tayta Diosmi juezninsi. Tayta Diosmi leykunata qomashkansi. Tayta Diosmi mandamaqninsi rey. Paymi contrapartinsikunapita sapämäshun.

Números 21:17

Saycho yakuta tariykurmi Israel runakuna kayno cantayarqan: <<¡Pukyucho yaku mana sakiypa kaykuläsun! ¡Yaku pashtamushqanpita cantaläshun!

Números 21:19

Matanapita aywarmi Nahalielman chäyarqan. Nahalielpita aywarmi Bamotman chäyarqan.

Juan 1:17

Leyninkunataqa Moiséswanmi Tayta Dios wilakasirqan. Kuyapäkuq kayninta y rasunpa kaq wilakuynintami isanqa Jesucristuwan tantiyasimashkansi.

Deuteronomio 33:4

Diospa leyninkunatami Moisés wilapämashkansi. Jacobpita miraq kashqami say leykunaqa herenciansino kaykan.

Deuteronomio 5:31

Qam isanqa kayman yapay kutimuy lapan mandamientükunata, estatütükunata y leynïkunata wilapänäpaq. Saykunatami yachasinki qoykunäpaq kaykaq nacionman chaykur cäsukuyänanpaq> >>.

Santiago 4:12

Tayta Diosmi leyninkunata qomashkansi. Paylami nimäshun jusayuq o jusaynaq kashqansita. Paylami munayyuq kaykan salvamänansipaq o infiernuman qaykamänansipaqpis. Sayno kaykaptinqa ¿pitaq qam kanki runa mayikita jamuränaykipaq?