Números 19:19 - Tayta Diospa Wilakuynin

¹⁹ Impüru runata sayno saqsupanqa kimsa junaqcho y qanchis junaqchöpis. Qanchis junaqchömi impüru runa taqshakuskir armakunqa. Pasa sakaptinnami püruna rikakunqa.

Números 19:19 ပူးပေါင်းရင်းမြစ်များ

Génesis 2:2

Lapanta kamaskirnami qanchis kaq junaqcho Tayta Dios jamarqan.

Éxodo 19:10

Tayta Dios nirqan: <

Ezequiel 36:25

Chuya yakuwanmi maylapayäshayki. Qanraykikunata chipyaqmi awipäyäshayki. Ïdulukunata adorar impüru rikakuyashqaykitapis maylapäyäshaykimi.

Levítico 14:7

Nirkurnami leprawan qeshyashqanpita aliyaq runata yawarwan qanchis kuti saqsupanqa. Purificashna kashqanta cüra wilaskirmi kawaykaq pishquta kachariykunqa.

Levítico 14:9

Qanchis junaq kaqchönaqa seplaypa aqsanta yapay rutukunqa. Saynöla shaprantapis, cëjantapis y cuerpuncho kaq lapan shaprantapis chipyaq rutukunqa. Saynöla mödanantapis yapay taqshakuskir armakunqa. Saykunata rurarraqmi purificash kanqa.

Números 19:12

Yatashqanpita kimsa junaqcho y qanchis junaqchöpis purificasina yakuwan purificakunqa. Kimsa junaqcho ni qanchis junaqchöpis mana purificakurqa manami pürusu kanqa.

Números 19:13

Pipis ayata yataykur mana purificakurqa Tayta Diospa Sagrädu Tolduntami impüruyäsinqa. Purificasina yakuwan mana saqsupash karqa impürulami quëdanqa. Say runataqa Israel runakunapita qarquyanki.

Números 19:18

Nirkur püru kaykaq runa say yakuman hisöpu rämata jatirkur saqsupanqa impüru runa tashqan tolduta, toldu rurincho lapan imaykankunata y lapan saycho taqkunatapis. Saynöla saqsupanqa tuluta yataqtapis, runa wanusishqan aya yataqtapis, kikilan wanush runapa ayan yataqtapis o aya pamparashqanta yataqtapis.

Números 31:19

<

Números 31:24

Qanchis junaqta cumplirkur purificash kayänaykipaq mödanaykikunata taqshakuyanki. Saypitaraqmi campamentuman yaykayämunki> >>.

Tito 2:14

Jusalikuypita jorqamänansipaqmi wanurqan. Perdonamashpansimi shuntakamashkansi kuyashqan runakuna kanansipaq y lapan shonqunsiwan imatapis alilata ruranansipaq.

Hebreos 10:22

lapan shonqunsiwan payman yärakur nawpanman yaykushun. Jusansikunata perdonamashqami shonqunsipis maylashna kaykan. Bautizakuptinsimi cuerpunsipis chuya yakuwan maylash kaykan.

1 Juan 1:7

Tayta Dios asikyaycho kashqanno noqansipis asikyaycho kawarmi jukninsi jukninsi kuyanakuykansi. Saynöpis Surin Jesucristumi yawarninwan lapan jusansita maylamansi.

Judas 1:23

Wakinta ninapita imaykanöpapis jorquqno jukla tantiyasiyay. Wakintana kuyapar ali shimilaykikunapa parlapäyay. Paykunawan shuntakarpis isanqa cuidä malamäñankunata yachakuyankiman.