Nahum 3:3 - Tayta Diospa Wilakuynin

³ Saynöpis rikayankipaq cawallun loqash soldädukuna atacayäshushqaykita, chipipiqtaraq espädankuna y lanzankuna aptash shamuykäyaqta, saysika runakuna malograkush kaykäyaqta, waranqanpa waranqanpa ayakuna jitaraykäyaqta y yupaytapis mana atipaypaq wanush runakuna mashtaraqta. Sayno kaptinmi mayman jaruykunaykipaqpis mana kanqasu.

Nahum 3:3 ပူးပေါင်းရင်းမြစ်များ

Génesis 3:24

Runata sayno qarquskirmi inti jeqamunan kaqläman querubinkunata Tayta Dios churarqan nina rupaykaq espädawan huertata täpayänanpaq. Saymi querubinkuna täpayarqan imayyaqpis kawasikuq jachaman pipis mana yaykunanpaq.

2 Reyes 19:35

Saypitanami say sakay Asiria soldädukunapa campamentunman aywaykur Tayta Diospa angilnin juk pachak puwaq chunka pisqa waranqa (185,000) soldädukunata wanusirqan. Waraynin tuta kawaq kaq soldädukuna sharkurmi saysika soldädu mayinkuna wanush jitaraykäyaqta rikayarqan.

Isaías 34:3

Wanuqkunapa ayankunapis ismur fiyupa asyarmi jitaräyanqa. Raqrakunapapis yakunöraqmi yawar aywanqa.

Isaías 37:36

Saypitanami say sakay Asiria soldädukunapa campamentunman aywaykur Tayta Diospa angilnin juk pachak puwaq chunka pisqa waranqa (185,000) soldädukunata wanusirqan. Waraynin tuta kawaq kaq soldädukuna sharkurmi saysika soldädu mayinkuna wanush jitaraykäyaqta rikayarqan.

Isaías 66:16

Ninawan y espädawan castigarmi lapan runakunata Tayta Dios juzganqa. Sayno castigaptinmi saysika runakuna wanuyanqa>>.

Ezequiel 39:4

Soldäduykikunawan y juk nacionkunapita shayämuq soldädukunawanmi Israel jirkakunacho lapayki wanuyanki. Saycho wiskurkuna y chucaru jirka uywakuna mikuyäshunaykipaqmi kamakäsishaq.

Levítico 26:37

Pipis mana qatikachaykäyäshuptikimi guërrapita qeshpiykaqno takanakurraq qeshpiyanki. Manami mayqaykipis contraykikunata ichipayta kamäpakuyankisu.

Nahum 2:4

4 (5) Carrëtankunapis qoshtataylami cällikunapa aywaykäyan. Pläzakunachöpis asikyaypa asikyarmi elqukuynöraq wakpa kaypa cörriykäyan.

Habacuc 3:11

Flëchaykita y lanzaykita jitaptiki pasaypa chipipiykarmi aywan. Aywaykaqta rikarmi intipis killapis ichikuykuyan.