Marcos 7:4 - Tayta Diospa Wilakuynin

⁴ Say costumbrikunata cumplirmi pucillukunatapis, wichikunatapis, mankakunatapis [y catrikunatapis] maylayan. Saynömi rantipakuyashqanpita kutirpis mikuyänanpaq armakuyan. Saynölami mas wakin costumbrinkunatapis cumpliyan.

Marcos 7:4 ပူးပေါင်းရင်းမြစ်များ

Salmo 26:6

Jusaynaq karmi maylashno kaykä. Saymi altarniki nawpanmanpis yaykü.

Isaías 1:16

<<¡Limpiu kayänaykipaq maylakuyay! ¡Lutan ruraykunata kachariyayna! Mana alikunata amana rurayaynasu.

Jeremías 35:5

Chaykasirnami wichikuna y väsukuna junta vïnuta apaykamur Recab ayllu runakunata <> nir churaparqä.

Jeremías 4:14

Jerusalén runakuna, salvakuyänaykipaq jusalikuyta wanakur shonquykikunata maylayay. ¡Imayyaqraq jusalikuylapaq yarpachakuykäyanki!

Mateo 23:25

<<¡Wawalaw, ishkay cära fariseukuna y ley yachasiqkuna! Qamkunaqa janalanpa maylash pucilluno y plätunömi kaykäyanki. Say plätukuna rurincho qanra kashqannömi qamkunapis shonquykikunacho suwakuyänaykipaq y mana alita rurayänaykipaq yarpaykäyanki.

Mateo 23:26

¡Qapra fariseukuna! Plätupa rurinta maylaqno puntata mana ali yarpäyashqaykikunata kachariyay. Saynöparaqmi rasunpaypa santu kayanki.

Mateo 27:24

Runakuna timpuypa timpur qayaraptinmi ima ruraytapis Pilato kamäpakurqansu. Saymi yakuta apaykasimur runakuna rikaykaptin makinta maylakur nirqan: <>.

Marcos 7:8

<>.

Juan 2:6

Saychömi rumipita rurash soqta urpukuna kaykarqan. Say urpukunamanmi costumbrin kashqanno yakuta winayaq purificakuyänanpaq. Say urpukunaman pachak (100) litrunömi yaku yaykuq.

Juan 3:25

Saychömi imano purificakuyänanpaq kashqanpita Juanpa discïpulunkuna Israel mayinkunawan rimanakuyarqan.

Hebreos 9:10

Nawpa kaq pactuchöqa qelqaraykan imata mikunansipaq imata mana mikunansipaqpis, imata upunansipaq imata mana upunansipaqpis y jukno jukno purificakunansipaqpis. Saykunataqa runakuna cumpliyänan karqan Tayta Dios mushuq pactuta rurashqanyaqlami.

Santiago 4:8

Tayta Dioswan imaypis kawayay. Sayno kawayaptikiqa paypis qamkunawanmi kaykanqa. ¡Jusasapakuna! Makikikunata awikuyashqaykino jusalikuykunata kachariyay. Janan shonqula cäsukuyänaykipa trukanqa lapan shonquykikunawan Tayta Diosta cäsukuyay.

1 Juan 1:7

Tayta Dios asikyaycho kashqanno noqansipis asikyaycho kawarmi jukninsi jukninsi kuyanakuykansi. Saynöpis Surin Jesucristumi yawarninwan lapan jusansita maylamansi.