Lucas 9:38 - Tayta Diospa Wilakuynin

³⁸ Say runakunapa chawpinpitami juk runa sinchipa nimurqan: <<¡Rabí, kay surïta kuyapaykulay! Pay japalanmi surï kaykan.

Lucas 9:38 ပူးပေါင်းရင်းမြစ်များ

Génesis 44:20

Sayno tapuyämaptikimi wilayarqä papänï kawashqanta y awkinyayninchöraq yuriq surin maqtalaraq kaykashqantapis. Saynöpis wilayashkä say mamalapita kaq jukaq wawqï elaqashqanta y nunush kaq wawqilanna kawaptin papänï seqaypa kuyashqantami.

Zacarías 12:10

Davidpita miraqkunata y Jerusaléncho taqkunatami tantiyasishaq kuyapäkuq kayänanpaq y imay hörapis manakayämänanpaq. Tuksiyämashqanta rikarmi waqayanqa. Qechpa surin wanuykuptin waqaqnöraqmi makintapis pakipaylaparaq waqayanqa.

Mateo 15:22

Say markakunachömi cananeo niyashqan mana Israel runakuna täyan. Saymi juk cananea warmi Jesús kaqman aywaykur sinchipa ruwakurqan: <<¡Davidpa Surin Jesús, kuyapaykalämay! Warmi wawätami supay löcayäsir fiyupa nakaykäsin>> nir.

Lucas 7:12

Markaman yaykuykarnami Jesús tinkurqan aska runakuna ayata apaykäyaqwan. Say ayaqa viüdapa juklayla maqta wawanmi karqan.

Lucas 9:37

Waraynin junaq jirkapita kutiykäyämuptinmi aska runakuna Jesústa tinkupäyarqan.

Lucas 9:39

Supaymi payta elaqpita qaparäsin, fiyupa suksukyäsin, poqushaytapis aqtusin. Mana kachaypami fiyupa nakasin.

Juan 4:47

Judeapita Galileaman Jesús chashqanta musyaykurmi say autoridä ruwakuq aywarqan. Chaykurmi ruwakurqan wayinman aywaykur ansa kaykaq surinta aliyäsinanpaq.