Lucas 8:47 - Tayta Diospa Wilakuynin

⁴⁷ Yatashqanta tantiyaptinmi say warmi mansariywan suksukyaykar Jesúspa puntanman qonqurpakuykurqan. Nirkurmi lapan runakunapa nawpancho wilarqan imanir yataykushqanta y jinan höra aliyashqantapis.

Lucas 8:47 ပူးပေါင်းရင်းမြစ်များ

Salmo 2:11

Tayta Diosta mansapakur payta sirviyay. Mansapakuypa adorayay.

Salmo 38:9

9 (10) Tayta Dios, imata munaykashqätapis qam musyaykankimi. Lakikuykashqätapis musyaykankimi.

Salmo 66:16

¡Tayta Diosta mansapakuq kaqqa, lapayki wiyayänaykipaq shayämuy! Tayta Dios imano yanapämashqantapis wilapäshayki.

Isaías 66:2

Kikïmi ciëlutapis pasatapis kamashkä. Kamash kaptïmi saykunapis kaykan. Noqa Tayta Diosmi sayno nï. <

Oseas 13:1

Nawpataqa Efraín runakuna yäsiyaptin Israelcho wakin trïbukuna chaskikuyaqmi. Sayno kaykarpis Baal diosta adorarmi Efraín runakunaqa wanushnöna kaykäyan.

Oseas 5:3

Israel runakuna, musyämi imano kayashqaykitapis. Runanta warmi kacharir jukwan kakuqnömi qamkunapis juk dioskunamanna yärakuykäyanki. Saynöpami pasaypa jamuraypaq kaykäyanki.

Habacuc 3:16

Shamushqaykita wiyashpä pasaypami mansarishkä. Wirpäpis pasaypami katatash. Tulükunapis pasaypami qotukash. Valornïpis pasaypami ushakäkush. Sayno kaptinpis conträkunata ushakäsinaykipaq kashqanta musyarmi qamman yärakaykämü.

Mateo 28:8

Ángel sayno niptinmi warmikunaqa mansakash kaykäyashqancho fiyupa kushikuyashpan Jesúspa discïpulunkunata wilaq cörri aywayarqan. [Sayno aywaykäyaptinmi]

Marcos 5:33

Saymi say warmi mansariywan suksukyaykar Jesúspa puntanman qonqurpakuykurqan. Nirkurmi wilarqan mödananta yataykur aliyashqanta.

Lucas 8:46

Sayno niptinpis Jesús yapaymi nirqan: <>.

Lucas 8:48

Saymi Jesús nirqan: <>.

Hechos 16:29

Sayno niptinmi aksita manakuskir Pabluwan Silas kaykäyashqanman cörrila yaykur puntanman suksukyaykar qonqurpakuykurqan.

1 Corintios 2:3

Qamkunaman chämur mana tantiyasinäpaq kashqanta yarparmi fiyupa lakikurqä.

2 Corintios 7:15

Kananqa Titupis qamkunapaq yarparaykan cäsukuyashqaykipita y payta ali chaskikuyashqaykipitami.

Filipenses 2:12

Kuyay wawqi panikuna, sayno kaykaptinqa qamkunawan kaykaptï cäsukayämashqaykinöla karucho kaptïpis cäsukayämay. Salvashna kayashqayki musyakänanpaqqa Tayta Diosta mansapakur lapan shonquykikunawan pay munashqanno kawayay.

Hebreos 12:28

Tayta Dios mandaykashqanqa imaypis manami ushakanqasu. Say mandaykashqantaqa chaskiykansinami. Sayno kaykaptinqa agradëcikushpansi lapan shonqunsiwan payta alabashun. Payta mansapakur munashqanno imaypis kawashun.

1 Samuel 16:4

Saymi Tayta Dios nishqannöla Belén markaman Samuel aywarqan. Chaykaptinnami mayor runakuna markapita chaskikuq yarqayämushpan mansakash tapuyarqan: <<¿Imataq kash kayman shamunaykipaq, taytay?>> nir.