Lucas 8:28 - Tayta Diospa Wilakuynin

²⁸ Jesústa rikaykurmi fiyupa qaparashpan puntanman lätakuykur sinchipa nirqan: <<¡Munayyuq Diospa Surin Jesús! ¡Imatataq noqawan munanki! ¡Ama nakaykasilämaysu!>>

Lucas 8:28 ပူးပေါင်းရင်းမြစ်များ

Isaías 27:1

Say wisanmi lamarcho wenquypa wenqur shiwyarayla aywaq mansariypaq Leviatán waräkuyta Tayta Dios jatunkaray llawchi espädanwan wanusinqa.

Mateo 8:29

Jesústa rikäriyashpanmi sinchipa qaparar niyarqan: <<¡Diospa Surin Jesús! ¡Imatataq noqakunawan munanki! ¿Manaraqpis höräkuna chämuptinku nakasiyämänaykipaq shamushkanki?>>

Lucas 8:27

Büquipita Jesús urarpuptinmi supaykuna löcuyäsiyashqan runa shamurqan. Say runa unaypita pasami qarapächula purikuq. Wayicho tänanpa trukanqa panteonlachömi tarqanpis.

Lucas 8:29

(Sayno supay nirqan runapita yarqunanpaq Jesús nish kaptinmi. Aska kutimi say runata munashqanta supay rurasirqan. Saymi makipita chakipita cadinawan watayaptinpis rachirir sunyaq jirkaman aywakuq.)

Santiago 2:19

Tayta Dios juklayla kashqanta criyiyashqayki ali kaptinpis manami say criyiyashlaykiwansu salvakuyanki. Tayta Dios kashqantaqa supaykunapis criyiyanmi. Sayno criyirpis infiernuman qaykush kayänanpaq kashqanta musyarmi mansariywan marmaryaykäyan.

2 Pedro 2:4

Jusalikuq angilkunatapis Tayta Dios manami perdonarqansu, saypa trukanqa infiernumanmi qaykurqan. Saychömi yanawyaykaq sakayman wichqarqan juiciu final chämuptin juzgananpaq.

1 Juan 3:8

Jusalikuyta mana kachariq kaqqa diablupa munayninchömi kaykan. Diabluqa kay pasa qalaykushqanpita pasami jusalikun. Diablu rurashqankunata ushakäsinanpaqmi Tayta Diospa Surin Jesucristo shamush.

Apocalípsis 20:10

Nirkurnami runakunata engañaq diabluta azufriyuq nina rupaykaq qochaman qaykunqa. Saychömi anticristo y lula profëtapis mayna qaykuraykäyanqa. Saychömi diablupis paqasta junaqta imayyaqpis paykunawan nakanqa.