Lucas 8:2 - Tayta Diospa Wilakuynin

² Paykunawanmi aywayarqan supaypa munayninpita jorqushqan warmikuna y qeshyankunapita aliyäsishqan warmikunapis. Saynöpis aywarqan Magdalena niyashqan María. Paypitami qanchis supaykunata Jesús qarqurqan.

Lucas 8:2 ပူးပေါင်းရင်းမြစ်များ

Mateo 4:24

Saytami Siria nación markakunachöpis musyayarqan. Saymi paykunapis Jesús kaqman apayarqan tukuy niraq qeshyawan qeshyaykaqkunata, supay nakasishqan runakunata, wanuy qeshyawan nakaqkunata y pulan cuerpun wanush runakunatapis. Say qeshyaqkunata lapantami Jesús aliyäsirqan.

Marcos 16:1

Jamay junaq päsarkuptinnami María Magdalena, Santiagupa maman María y Salomépis mushkuq jachakunata rantiyarqan Jesúspa ayanman winapäyänanpaq.

Marcos 16:9

[Domingu tuta Jesús kawarirkamurmi puntata yuriparqan María Magdalenata. Paypitami qanchis supaykunata nawpata qarqush karqan.

Lucas 23:27

Saysika runakunami Jesúspa qepanta aywaykäyarqan. Paykunawanmi askaq warmikunapis lakikuyashpan waqaraykar aywaykäyarqan.

Lucas 23:49

Jesúswan reqinakuqkunami karulapita lakish rikaraykäyarqan. Paykunawanmi Galileapita pasa qatiraq warmikunapis kaykäyarqan.

Lucas 23:55

Galileapita Jesúswan shamuq warmikuna Josépa qepanpa aywarmi rikayarqan sepultüra maycho kashqanta y Jesúspa ayanta imano churayashqantapis.

Lucas 8:30

Saypitanami Jesús tapurqan: <<¿Imataq jutiki?>> nir. Tapuptinmi nirqan: <>. (Sayno nirqan aska supaykuna payman yaykush kayaptinmi.)

Juan 19:25

Crucificaraykashqan kaqchömi kaykäyarqan Jesúspa maman, mamanpa nanan, Cleofaspa warmin María y María Magdalenapis.

Hechos 1:14

Paykunami Jesúspa maman Maríawan, Jesúspa wawqinkunawan y wakin warmikunawanpis Tayta Diosta manakuyänanpaq imaypis shuntakäyaq.