Lucas 6:19 - Tayta Diospa Wilakuynin

¹⁹ Lapan runakunata munayninwan aliyäsiptinmi pïmaypis Jesústa yataylapis yatayta munayarqan.

Lucas 6:19 ပူးပေါင်းရင်းမြစ်များ

2 Reyes 13:21

Juk kutichömi Israel runakuna ayata pampayänanpaq apaykäyashqancho rikayarqan say asaltantikuna shamuykäyaqta. Saymi apaykäyashqan ayata Eliseupa sepultüranman jitariykur qeshpir aywakuyarqan. Eliseupa tulunkunaman töparmi jinan höra say aya kawarimur sharkurqan.

Mateo 14:36

Chaykasirmi Jesústa ruwakuyarqan qeshyaqninkuna mödananpa kuchulantapis yataykunanpaq. Saychömi lapanpis yataykuq kaqqa aliyäyarqan.

Marcos 3:10

Aska runakunata aliyäsish kaptinmi lapan qeshyaqkuna imaykanöpapis Jesús yataykuyta munayarqan.

Marcos 5:30

Munayninwan pipis aliyashqanta musyarmi tikraykur Jesús nirqan: <<¿Pitaq mödanäta yataykamash?>>

Marcos 6:56

Saypita markakunapa y jalqakunapapis Jesús puriptinmi nänimanpis qeshyaykaqkunata apayarqan. Saypa päsaptinmi ruwakuyarqan qeshyaqninkuna mödananpa kuchulantapis yataykunanpaq. Saychömi lapanpis yataykuq kaqqa aliyäyarqan.

Marcos 8:22

Saypitanami Betsaida markaman chäyarqan. Saycho kaykäyaptinmi qapra runata pushar Jesústa ruwayarqan aliyäsinanpaq.

Lucas 5:17

Juk wayicho Jesús yachaykäsiptinmi saycho jamaraykäyarqan fariseukuna y ley yachasiqkunapis. Paykunami kayarqan Galileacho kaykaq markakunapita, Judea provinciapita y Jerusalénpitapis. Qeshyaqkunata aliyäsinanpaqmi Tayta Diospa munayninwan Jesús kaykarqan.

Lucas 6:18

Saychömi supay nakasishqan runakunatapis Jesús kachakäsirqan.

Hechos 19:12

Saymi Pablo töpashqan pañuëlukunata y mandilkunatapis qeshyaykaqkunaman apayarqan. Saykunata töpasiptinmi qeshyaqkuna aliyäyaq y supaykunapis runakunapita yarquyaq.

1 Pedro 2:9

Qamkunami isanqa kaykäyanki Tayta Dios akrashqan runakuna, payta sirviq cürakuna, kuyashqan santa nación runakuna y paypa makincho kaykaq runakuna. Paymi sakäpakushno kawaykäyaptiki aksinman jorquyäshushkanki kuyakuq kashqanta pïmaytapis wilapäyänaykipaq.