Lucas 5:26 - Tayta Diospa Wilakuynin

²⁶ Sayta rikaykurmi runakuna kushikuyashpan Tayta Diosta alabayarqan. Pasaypa admirash rikakurmi niyarqan: <<¡Pay rurashqantanöqa manami imaypis rikashkansisu!>>

Lucas 5:26 ပူးပေါင်းရင်းမြစ်များ

Jeremías 33:9

Jerusalén runakunata yanapashqäta musyayashpanmi lapan nación runakuna espantakuyanqa. Jawkala kawayänanpaq yanapaptïmi intëru munducho taqkuna kushikuyashpan alabayämanqa>>.

Oseas 3:5

Saypitaraqmi Israel runakuna perdonta manakur Tayta Diosta ashiyanqa. Saynölami David ayllu mandaqnin reytapis cäsukuyanqa. Shamuq watakunachömi Tayta Diosta mansapakur bendicionninta kushish chaskikuyanqa.

Mateo 12:23

Sayta rikarmi runakuna kushikuyashpan niyarqan: <<¿Kay runaqa Davidpa Surinsuraq kaykan?>>

Mateo 28:8

Ángel sayno niptinmi warmikunaqa mansakash kaykäyashqancho fiyupa kushikuyashpan Jesúspa discïpulunkunata wilaq cörri aywayarqan. [Sayno aywaykäyaptinmi]

Mateo 9:8

Sayta rikaykurmi runakuna kushikuyashpan Tayta Diosta alabar niyarqan: <<¡Kay runataqa Tayta Diosmi munayninta qoykush kaykunata rurananpaq!>>

Marcos 2:12

Sayno niptinmi jinan höra sharkurkur kirmanta apakurkur aliyashna aywakurqan. Sayta rikaykurmi runakuna kushikuyashpan Tayta Diosta alabar niyarqan: <<¡Kayno aliyäsiqtaqa manami imaypis rikashkansisu!>>

Lucas 1:65

Saykunata rikaykurmi lapan reqinakuyashqankuna espantash rikakuyarqan. Saykuna päsashqantami intëru Judea jalqacho pïmaypis parlayarqan.

Lucas 5:8

Sayta rikaykurmi Simón Pedro Jesúspa nawpanman qonqurpakuykur nirqan: <>.

Lucas 7:16

Sayta rikaykurmi lapan runakuna kushikuyashpan Tayta Diosta alabar niyarqan: <<¡Munayyuq profëtami noqansiman chämush! ¡Tayta Diosmi kuyashqan runakunaman shamush!>>

Lucas 8:37

Saymi say particho taq runakuna seqaypa mansakäyashpan Jesústa ruwakuyarqan saypita aywakunanpaq. Sayno ruwakuyaptinmi büquiman wisarkur discïpulunkunawan Jesús aywakurqan.

Hechos 4:21

Paralïticu runata aliyäsiyashqanpita lapan runakuna Tayta Diosta alabayaptinmi autoridäkuna castigayarqannasu. Saypa trukanqa jurapaykularmi kachariyarqan.

Gálatas 1:24

Sayno niqta wiyarshi Tayta Diosta alabayänaq.