Lucas 24:52 - Tayta Diospa Wilakuynin

⁵² Saycho discïpulukuna Jesústa adoraskirmi Jerusalénman kushish kutikuyarqan.

Lucas 24:52 ပူးပေါင်းရင်းမြစ်များ

Salmo 30:11

11 (12) Lakish kaykaptï kushikasimaptikimi kushishna danzäpis. Lütu mödanata jatikunäpa trukanqa fiesta jatipämashkanki.

Mateo 28:17

Saychömi Jesúswan tinkur adorayarqan. Wakinqa rikaykarpis manami Jesús kashqanta criyiyarqanraqsu.

Mateo 28:9

Jesús yuriparkur winchikurqan. Saymi say warmikuna Jesúspa chakinta makalakurkur adorayarqan.

Lucas 24:51

Sayno manakuykaptinmi gloriamanna Tayta Dios shuntakurqan.

Lucas 24:53

Saypitanami Tayta Diosta alabayänanpaq waran waran templuman shuntakäyaq. [Amén.]

Juan 14:28

Qamkunata nishkänami aywakurpis kutimunäpaq kashqanta. Taytä kaqman aywakuptï ama lakikuyankisu. Payqa noqapita mas munayyuqmi kaykan. Rasunpaypa kuyayämarqa lakikuyänaykipa trukan kushikuyankimanmi.

Juan 16:22

Saynölami qamkuna kanan lakikurpis yapay tinkush kushikuyanki. Say kushikuytaqa manami pipis qechushunkisu.

Juan 16:7

Rasunpami nï: Qamkunapaq mas ali kaykan noqa aywakuptïmi. Mana aywakuptïqa Yanapäkuq Espíritu Santu manami shamunqasu. Aywakurmi isanqa payta kachamushaq.

Juan 20:28

Sayno niptinmi Tomás nirqan: <<¡Señorlä y Diosnilä!>>

Hechos 1:12

Sayno niyaptinmi Olivos lömacho kaykäyashqanpita apostolkuna Jerusalénman kutikuyarqan. Say lömapita Jerusalénman manami aläpa karusu karqan, sinöqa jamay junaqcho puriyashqannölami.

1 Pedro 1:8

Mana rikash karpis Jesucristuta kuyaykäyankimi. Saymi payman yärakur seqaypa kushish kawaykäyanki. Sayno kushikuyashqaykita manami imanöpa tantiyasiytapis kamäpakuyankisu.