Lucas 24:32 - Tayta Diospa Wilakuynin

³² Saymi kikinpura parlar niyarqan: <<¡Jesús kaptinchir Tayta Diospa palabranta parlapämash nänicho shonqunsipis akaqyarqan!>>

Lucas 24:32 ပူးပေါင်းရင်းမြစ်များ

Salmo 104:34

Yarpachakushqäpis Tayta Diospa shonqunpaqno kaykuläsun. Paypa makincho karmi imaypis kushikü.

Salmo 39:3

3 (4) Upälakuyta manami awantakurqäsu. Yarpachakuptïmi shonqüpis pasaypa puchkatarqan. Saymi Tayta Diosta manakur nirqä:

Proverbios 27:17

Lïmanawan fiërruta afilaqnömi tantiyakuq runaqa runa mayinta tantiyasin.

Proverbios 27:9

Mushkuq perfümi kushikuypaq kashqannömi ali amïgupa yäsikuyninpis kushikuypaq kaykan.

Isaías 50:4

Tayta Diosmi yachasimash lakish kaykaqkunata shakyäsir kushikasinäpaq. Pay nimashqanta tantiyakunäpaqmi cada tuta riyasiman.

Jeremías 15:16

Lapanta mandaq Tayta Dios, noqaqa makikichömi kaykä. Parlapämaptikimi ali mikuyta mikuqno lapanta chaskikushkä. Nimashqaykikunata chaskikuptïmi shonqü seqaypa kushikun.

Jeremías 20:9

Saymi nirqä: <>. Sayno niptïpis wilakuyniki shonqücho nina rupaykaqnöraqmi kaykan. Tulüyaqraqmi say rupashqan chaykush. Upälakuyta munarpis manami kamäpaküsu.

Jeremías 23:29

Noqapa wilakuynïqa ninanömi y rumita shaluq combanömi kaykan. Noqa Tayta Diosmi sayno nï>>.

Marcos 4:34

Imamanpis mana tinkusiypaqa manami imaypis yachasirqansu. Discïpulunkunatanami isanqa kikilankuna kaykäyashqan höra lapanta tantiyasiq.

Lucas 24:45

Nirkurmi Tayta Diospa palabranta tantiyasir

Juan 6:63

Manami pipis kikilanpitasu mana ushakaq kawayta tarin, saypa trukanqa Espïritupitaraqmi. Noqa yachasishqäqa Espíritu Santupita karmi mana ushakaq kawayta qoyäshunaykipaq kaykan.

Hechos 28:23

Sayno niyaptinmi juk junaq yapay shuntakäyänanpaq jitapänakuyarqan. Niyashqan junaq chämuptinnami Pablo posädaraykashqan wayiman askaq shuntakäyarqan. Saymi tutapita tardiyaq Tayta Dios mandaykashqanpita Pablo yachasirqan. Saynöpis Moisés qelqashqan leykunata y profëtakuna qelqayashqankunata tantiyasirmi Jesucristo salvamaqninsi kashqanta yachasirqan.

Hebreos 4:12

Tayta Diospa palabran kawaq karmi munayyuq kaykan. Ishkan waqtanpa ali afilash espädapitapis mas fïlu karmi shonqunsimanpis, yarpayninsimanpis y toqshunsimanpis chaykun imano kashqansitapis tantiyasimänansipaq.