Lucas 23:56 - Tayta Diospa Wilakuynin

⁵⁶ Saypita wayinkunaman kutiykuyashpanmi mushkuq jachakunata y perfümikunata shuntayarqan Jesúspa ayanman winapäyänanpaq. Puestukuskirnami mandamientu nishqanno jamay junaq kaptin jamayarqan.

Lucas 23:56 ပူးပေါင်းရင်းမြစ်များ

2 Crónicas 16:14

Wanuykuptinnami Davidpa Markancho kikin uchkusishqan sepultüranman sutayarqan. Nirkurmi aya jananman winapäyarqan yachaq runakuna rurayashqan tukuy niraq perfümikunata y mushkuq jachakunata. Sayno ruraykurmi wanuqpa jutincho aska yantata sulkarkur ninata sarisiyarqan.

Éxodo 31:14

Jamay junaq sagrädu kaptinmi lapayki respitayanki. Say junaqta mana respitaq kaqtaqa wanusiyanki. Say junaqcho ima aruytapis aruq kaqtaqa Israel runakunapita qarquyanki.

Marcos 16:1

Jamay junaq päsarkuptinnami María Magdalena, Santiagupa maman María y Salomépis mushkuq jachakunata rantiyarqan Jesúspa ayanman winapäyänanpaq.

Lucas 24:1

Semäna qalaykunan junaqmi Jesús pamparashqan kaqman saka sakala warmikuna aywayarqan kamarikuyashqan mushkuq jachakunata apakurkur. [Paykunawanmi wakin warmikunapis aywayarqan.]

Deuteronomio 5:14

Qanchis kaq junaqchöqa Tayta Diosnikita adorashpayki ama arunkisu. Saynöpis ama arusinkisu olqutapis warmitapis surikikunata, olqutapis warmitapis ashmaynikikunata, töruykikunata, ashnuykikunata ni ima uywaykikunatapis ni nacionnikicho jäpa runakunatapis. Saynöpami olqupis warmipis ashmaynikikuna qamkunawan iwal jamayanqa.