Lucas 2:40 - Tayta Diospa Wilakuynin

⁴⁰ Tayta Dios yanapaptinmi winaylanta shumaq yarpayyuq y kalpayuq Jesús rikakurqan.

Lucas 2:40 ပူးပေါင်းရင်းမြစ်များ

Salmo 22:9

9 (10) Sayno niyaptinpis qam munaptikimi yurishkä. Mamäpa melqaynincho jawka kanäpaqpis qammi yanapämashkanki.

Salmo 45:2

2 (3) Lapan runakunapitapis mas kuyaylapaqmi kaykanki. Maypis wiyakuy munaymi parlanki. Saymi Tayta Dios bendicionninta qamman imaypis churamun.

Lucas 1:80

Zacaríaspa surinqa Tayta Dios munashqanno kawananpaq winaylatami shumaq tantiyakurqan. Tayta Diospa wilakuyninta Israel mayinkunata wilapar qalaykushqanyaqmi sunyaq jirkakunalacho tarqan.

Lucas 2:47

Ali yachaq kaptin y tapuyashqanta contestaptinmi wiyaqkuna espantash rikakuyarqan.

Lucas 2:52

Winaylantami Jesús mas yachaq rikakurqan. Saymi Tayta Diospis y runakunapis kuyayarqan.

Juan 1:14

Diospa Palabran kay pasaman shamurmi runano yurirqan. Noqakunawanmi kay pasacho purirqan. Tayta Diospa juklayla Surin kaptinmi munayyuq kaykaqta rikayarqä. Kuyapäkuq y rasun kaqlata parlaqmi karqan.

Hechos 4:33

Señor Jesucristo kawarimushqanta mana mansariypami apostolkuna wilakuyaq. Lapan yärakuqkunatami Tayta Dios shumaq yanaparqan.

Efesios 6:10

Wawqi panikuna, Señor Jesucristo munayninwan yanapaykäyäshuptikiqa firmi kawayay.

2 Timoteo 2:1

Timoteo, kuyay surïno kaptikimi qamta nï: Jesucristo yanapaykäshuptikiqa mana ajayaypa pay munashqanno kaway.

Jueces 13:24

Saypita killan tinkuptinnami olqu wamrata qeshyakur jutisirqan Sansón jutin kananpaq. Shakshaylantami Sansónta Tayta Dios lapanchöpis yanaparqan.

1 Samuel 2:18

Samuelnami Tayta Diosta sirvirqan lïnupita rurash efodnin jatish.

1 Samuel 2:21

Tayta Diospa bendicionninwanmi Anapa kimsa olqu wawankuna y ishkay warmi wawankuna kayarqan. Samuelqa Tayta Diospa makinchömi maqtayarqan.

1 Samuel 2:26

Samuelnami winaylanta shumaq tantiyakurqan ali kawananpaq. Saymi Tayta Dios munashqanno kawaptin runakunapis kushikuyarqan.

1 Samuel 3:19

Samueltaqa winaylantami Tayta Dios imachöpis yanaparqan. Saynöpis Samuel wilakushqannölami lapanpis karqan.