Lucas 12:40 - Tayta Diospa Wilakuynin

⁴⁰ Saynöla qamkunapis kamarikushla kaykäyay. Mana musyayashqayki hörami elaqpita Runapa Surin shamunqa>>.

Lucas 12:40 ပူးပေါင်းရင်းမြစ်များ

Mateo 24:42

Saymi kamarikushlana kaykäyänayki. Manami musyayankisu imay junaq Señorniki kutimunanpaq kashqantapis.

Mateo 24:44

Saynöla qamkunapis kamarikushla kaykäyay. Mana musyayashqayki hörami elaqpita Runapa Surin shamunqa.

Mateo 25:13

Sayno wilaparkurmi Jesús nirqan: <<¡Qamkunapis maya mayala kaykäyay! Manami musyayankisu imay junaq ni imay höra [Runapa Surin kutimunanpaq kashqantapis]>>.

Romanos 13:11

Jesucristo kutimur salvamänansipaq kaq junaq cercachönami kaykan. Sayno kaykaptinqa punukashno kashqansipita rikchashun.

Romanos 13:14

Saypa trukanqa qanra mödanata loqtikur kachariyashqaykino jusalikuykunata kacharir Jesucristupa makincho kawayay. Lutanta rurayta munarpis ama rurayaysu.

1 Tesalonicenses 5:6

Sayno kaykaptinqa wakin runakuna punukash kayashqannöqa ama kashunsu, sinöqa maya mayala Jesucristuta shuyakuykäshun.

Apocalípsis 19:7

¡Payta kushish alabashun! Chämushnami Carnish majasakänan fiesta. Casarananpaq kaq jipashpis kamarikushnami kaykan.