Lucas 11:44 - Tayta Diospa Wilakuynin

⁴⁴ <<¡Wawalaw, [ishkay cära fariseukuna y ley yachasiqkuna]! Qamkunaqa mana rikakaq sepultüranömi kaykäyanki. Mana rikakaq sepultüra jananpa pipis purir rurincho melanaypaq kashqanta mana musyashqannömi runakuna musyayansu shonquykikunacho mana ali yarpaykuna kashqanta>>.

Lucas 11:44 ပူးပေါင်းရင်းမြစ်များ

Salmo 5:9

9 (10) Chikimaqnïkunaqa manami rasun kaqta imaypis parlayansu. Jusalikuylapaq uman churakashqami kaykäyan. Shiminkunapis kicharaykaq sepultüranömi kaykan. Lulakuypaqqa mamalan wachashqami kaykäyan.

Ezequiel 39:15

Rikapakur aywaqkuna runapa tulunta tarirqa juk señaltami churayanqa pampaqkuna shuntayänanpaq. Hamón-gog Pampa niyashqanmanmi say tulukunatapis pampayanqa.

Oseas 9:8

Kikin Tayta Diosmi profëtata churash Israelcho rikachakuq japuy kananpaq. Sayno kaptinpis mana aliman churakänanpaq trampata churapaqnömi kaykäyanki. Profëtakunata chikir Tayta Diospa templunchöpis contranmi sharkuykäyanki.

Números 19:16

Saynölami tashqanpita juklächo espädawan runa wanusishqan ayata yatarpis, kikilan wanushta yatarpis, runapa tulunta yatarpis o aya pamparashqanta yatarpis qanchis junaqyaq impüru rikakunqa.

Mateo 13:32

Lapan murupita mas ichiknayla kaykarpis winamurqa wakin qewakunapitapis mas jatunmi winan. Saymi rämankunacho pishqukunapis qeshunkunata rurayan>>.

Hechos 23:3

Laqyasiptinmi Pablo nirqan: <<¡Ishkay cära runa! ¡Kikikitami Tayta Dios castigashunki! Ley nishqanno juzgamänaykipaq jamaraykarqa ¿imanirtaq leyta mana cäsuypa laqyasimanki?>>