Lucas 11:3 - Tayta Diospa Wilakuynin

³ Waran waran mikuyänäpaq mikuyta kamaripaykayälämay.

Lucas 11:3 ပူးပေါင်းရင်းမြစ်များ

Proverbios 30:8

Tantiyaykasilämay pitapis mana lulapänäpaq. Ama poquqyäsimaysu ni muchuqyäsimaysu. Saypa trukanqa waran waran nistashqäkunata kamaripaykalämay.

Isaías 33:16

Sayno kawaq runaqa kay pasacho alimi kawanqa. Qaqacho rurash wayiman amparakuqnömi kanqa. Say runataqa manami imapis päsanqasu. Paypaqa mikuyninpis ni yakunpis manami pishinqasu.

Mateo 6:11

Waran waran mikuyänäpaq mikuyta kamaripaykayälämay.

Mateo 6:34

Cada junaq imalapis yarpachakuyänaykipaq kaykaptinqa waray junaqpaq ama yarpachakuyaysu.

Hechos 17:11

Berea runakuna Tesalónica runakunapita mas tantiyakuq karmi Tayta Diospa wilakuyninta lapan shonqunwan chaskikuyarqan. Pabluwan Silas yachasiyashqan rasunpaypa kashqanta musyayänanpaqmi Tayta Diospa palabranta waran waran yachakuyarqan.