Lucas 1:51 - Tayta Diospa Wilakuynin

⁵¹ Pipis mana rurashqankunatami pay ruran. Yachaq tukuqkunapa yarpayninkunatapis manakaqmanmi churan.

Lucas 1:51 ပူးပေါင်းရင်းမြစ်များ

Génesis 11:8

Sayno nirmi Tayta Dios lapan runakunata intëru pasaman mashtakäsirqan. Saynöpami sharkaykäsiyashqan markata ushayarqannasu.

Génesis 6:5

Tayta Diosmi rikarqan runakuna pasaypa jusalikular kawayashqanta. Paykunaqa shonqun munashqanno jusalikuyänalanpaqmi yarpäyaq.

Génesis 8:21

Say rupasishqanpa mushkuyninmi Tayta Diospa shonqunpaqno karqan. Saymi nirqan: <

Salmo 118:15

Tayta Dios munashqanno kawaqkunami toldunkunacho kushikuykäyan. ¡Tayta Diosmi munayninwan lapanta vincish!

Salmo 33:10

Mana alita rurayänanpaq wilanakuyaptinpis Tayta Diosmi sapata churapan.

Salmo 52:9

9 (11) Tayta Dios, alilata ruraq kashqaykipitami imaypis agradëcikushayki. Qamman yärakamuqkunapa nawpanchömi imaypis alabashayki.

Salmo 63:5

5 (6) Lapan shonqüwan kushish alabarmi contentakushaq. Ali alilata mikur kushikushqänömi kushikushaq.

Salmo 89:10

10 (11) Lamarcho mansariypaq Rahab uywatapis lapirirqaykimi. Munayyuq karmi chikishuqnikikunatapis maysaypa qarqurqayki.

Salmo 89:13

13 (14) Lapanpaq munayyuqmi qam kaykanki. Aluq kaq makilaykiwanmi lapantapis vincirinki.

Salmo 98:1

1 (1b) Mushuq alabanzawan Tayta Diosta alabayay. Paymi espantaypaq kaqkunata rurash. Munayyuq karmi lapan contrankunata vincish.

Éxodo 18:11

Egipto runakuna contrayki kaykaqta vincish kaptinmi tantiyakü lapan dioskunapitapis Tayta Dios mas munayyuq kashqanta>>.

Isaías 40:10

Seqaypa munayninwanmi Tayta Dios shamunqa. Munayyuq karmi chikiqninkunata vincirkur kuyashqan runakunata shuntamunqa.

Isaías 51:9

¡Rikchayna, Tayta Dios! Seqaypa munayyuq kashqaykita musyakäsiyna. Unay watakuna rurashqaykino kananpis rurayna. ¿Manaku Rahab uywatapis elaqäsirqayki?

Isaías 52:10

Sayno salvarmi maysay nación runakunata Tayta Dios musyasinqa munayyuq kashqanta. May karu nación runakunapis rikayanqami Tayta Diosninsi salvamashqansita.

Isaías 63:12

Paymi munayninwan Moisésta pushamurqan. Lamartapis munayninwanmi ishkayman rakirqan. Sayno rurashqanta manami imaypis qonqäshunsu.

Jeremías 49:15

Tayta Diosmi edomita runakunata nin: <

Daniel 4:37

37 (34) Saymi noqa Nabucodonosor jana pasacho kaykaq Tayta Diosta alabä. Pay rurashqanqa lapanpis alimi kaykan. Yachaq tukuqkunataqa penqaymanmi churan.

Romanos 1:21

Tayta Dios kashqanta musyaykarpis runakuna manami payta wiyakuyansu ni agradëcikuyansu. Saypa trukanqa manakaqkunaman uman churakash kaptinmi yarpayninkunapis pasaypa upatakash kaykan.

2 Corintios 10:5

Saynöpami runakuna yachaq tukur Tayta Diospa wilakuyninta mana chaskikuyänaykipaq ima sapata churapäyäshuptikipis tantiyasiyä Jesucristuta cäsukuyänaykipaq y yarpäyashqaykikunapis pay munashqanno kananpaq.

Deuteronomio 4:34

Musyashqansinöpis Egiptucho fiyupa nakaykashqami milagrukunata, guërrata y espantaypaq kaqkunata rurashpan kikinpa kanansipaq Tayta Diosninsi jorqamarqansi. Pay yanapämashqansinöqa manami mayqan diospis may nación runakunatapis yanapashsu.

1 Pedro 5:5

Mözukuna y jipashkuna, mayor wawqikunata cäsukuyay. Lapaykipis mana yachaq tukuylapa respitanakuyay. Yachaq tukuqkunataqa Tayta Dios manami yanapansu. Humildi kaqkunatami isanqa kuyapar yanapan.

Apocalípsis 18:8

Sayno kashqanpitami pasaypa nakanqa. Wanuypis, nakaypis y mikanaypis elaqpitami payman chanqa. Sayno nakaykaqtami nina rupar ushanqa. Babiloniataqa lapanpaq munayyuq Tayta Diosmi castiganqa>>.