46 Saymi María nirqan: <
Tayta Dios yanapämaptinmi seqaypa kushikü. Salvamaptinmi payta kushish alabä.
Tayta Dios salvaptinmi Israel runakuna pay munashqanno kushish kawayanqa>>.
Tayta Diosnï yanapämaptinmi kushikuypita shonqüpis asikyarkun. Paymi salvación mödanata jatipämash. Kuyaylapaq mödanänömi ali ruraykunapis kaykan. Casarananpaq shumaq trukakush maqtanömi kaykä. Casaraq jipash kuyaylapaq mödanan jatish kaykaqnömi kaykä.
Saypis manami saylasu, sinöqa Señorninsi Jesucristo wanuyninpa perdonashna karmi Tayta Diosta kushish alabaykansi.
Sayno kaykaptinqa ama alabakushunsu. Tayta Diospa palabranchöpis kaynömi qelqaraykan: <>.
¡Tayta Diostami agradëcikü! Paymi Jesucristucho kayaptï imaypis yanapaykäyäman. Saymi wilakuyaptï maysaychöpis runakunata tantiyasin Jesucristuta chaskikur payta reqiyänanpaq.
Cuerpunsita mana señalakurpis Espíritu Santu yanapämashqami Tayta Diosta sirviqkunaqa shonqunsicho señalashna kaykansi. Manami leykunata cumplirraqsu salvakunsi, sinöqa Jesucristuman yärakurmi.
Jesucristupa makincho kawaykarqa imaypis kushikuyay. Yapaymi nï: ¡Kushikuyay!
Ali kawayta qomaqninsi Tayta Dios yanapaykuyäläshunki pay munashqanno imaypis kawayänaykipaq. Saynöpis cuerpuykita, almaykita y espïrituykitapis ali rikaykuläsun Jesucristo kutimur jusaynaqta tariyäshunaykipaq.
Mana rikash karpis Jesucristuta kuyaykäyankimi. Saymi payman yärakur seqaypa kushish kawaykäyanki. Sayno kushikuyashqaykita manami imanöpa tantiyasiytapis kamäpakuyankisu.
