Levítico 8:23 - Tayta Diospa Wilakuynin

²³ Moisésnami carnita pishtarkur yawarninwan Aarónpa aluq kaq rinrinpa ura puntanta lushiparqan. Saynölami lushiparqan aluq kaq makinpa y chakinpa maman dëdunkunatapis.

Levítico 8:23 ပူးပေါင်းရင်းမြစ်များ

Éxodo 29:20

say carnita pishtanki. Yawarninta shuntarkur Aarónpa y surinkunapa aluq kaq rinrinpa ura puntanta ichiklata lushinki. Saynöpis yawarwan lushinki aluq kaq makinpa y chakinpa maman dëdunkunatapis. Pusuq kaq yawartana altarpa chuskun lädunkunaman saqsupanki.

Éxodo 29:21

Altarta saqsupashqayki yawarta shuntarkur pusuq kaq aceitiwan Aarónta y mödanankunatapis saqsupanki. Saynöla surinkunata y mödanankunatapis saqsupanki. Saynöpami Aarónwan surinkuna noqata sirvimaq cürakuna kananpaq consagrädu kayanqa. Mödanankunapis listunami kanqa jatikurkur sirviyämänanpaq.

Levítico 14:14

<

Levítico 14:17

<

Levítico 14:25

Saypitanami say carnishta pishtanqa consagrasina sacrificiupaq. Yawarninta sarirkurmi purificakuykaq runata lushipanqa aluq kaq rinrinta y aluq kaq makinpa y chakinpa maman dëduntapis.

Levítico 14:28

Saynöpis makincho kaykaq aceitiman dëdunta jatirkurmi purificakuq runata cüraqa pichupanqa aluq kaq rinrinta y aluq kaq makinpa y chakinpa maman dëduntapis. Sayno pichupanqa consagrasina sacrificiupaq pishtashqan carnishpa yawarninta pichupashqan janalanmanmi.

Levítico 7:37

Saynömi Tayta Dios tantiyasirqan rupasina sacrificiuta rupasiyänanpaq, saki mikuy ofrendata rupasiyänanpaq, purificasina sacrificiuta rupasiyänanpaq, consagrasina sacrificiuta rupasiyänanpaq, cüra kananpaq churashqanpita ofrendata rupasiyänanpaq y jawka kawakuy sacrificiuta rupasiyänanpaqpis.

Romanos 12:1

Wawqi panikuna, qamkunatami ruwä Tayta Diospa makinman kawaynikita churaykuyänaykipaq. Pay kuyapaykäyäshuptikiqa kawaykaq santu sacrificiu kaykuyälay. Sayno karmi Tayta Dios munashqanno rasunpaypa sirviyanki.

Romanos 6:13

Lutan ruraykunamanpis ama jatikäyaysu. Wanuyashqaykipita kawarimushnöna kaykarqa Tayta Diospa makinchöna kawayay. Intëru cuerpuykipis Tayta Dioslapaqna kasun.

Romanos 6:19

Patronman tinkusiypa sayno parlaykä shumaq tantiyayänaykipaqmi. Nawpataqa jusalikuypa munaynincho karmi melanaypaq kaqkunata rurar kawayashkanki. Kananqa sayno kawayaynasu, saypa trukanqa mana jusalikuypa Tayta Dios munashqannöna kawayay.

1 Corintios 1:2

Corinto markacho Tayta Dios kuyashqan yärakuq mayikuna: Qamkunapaqmi Tayta Dios kayno nirqan: <>. Sayno kayaptikimi qayayäshushkanki pay munashqanno santu kawayänaykipaq. Saynölami maycho täyaptinpis payman lapan yärakuqkunata qayash. Saymi Jesucristuqa paykunapapis y noqansipapis Señorninsi kaykan.

1 Corintios 1:30

Qamkunataqa Jesucristucho kayänaykipaqmi Tayta Dios salvayäshushkanki. Noqansi raykumi Jesucristuta Tayta Dios churarqan yachayninsi kananpaq, salvamaqninsi kananpaq, perdonamaqninsi kananpaq y rantimaqninsi kananpaqpis.

1 Corintios 6:20

Qamkunataqa Tayta Diosmi rantiyäshushkanki. Saymi mana jusalikuypa pay munashqanno kawayänayki.

Filipenses 1:20

Mana mansariypa parlanäpaq imaypis yanapämashqannömi autoridäkunapa nawpanchöpis yanapämanqa. Saymi Jesucristo yanapämashqan musyakanqa kawaykaqta kachariyämaptinpis o wanusiyämaptinpis.

Filipenses 2:17

Sayno kaptinmi wanusiyämänan kaptinpis kushikü. Wanusiyämaptinqa sacrificiu jananman vïnuta winayashqannömi kashaq. Tayta Diosta mana ajayaypa sirviyashqaykipis sacrificiuno kaptin qamkunapis kushikuyay.

1 Tesalonicenses 5:22

Imatapis lutankunata ama rurayankisu.

Hebreos 2:10

Jesucristo salvamaqninsi kananta munarmi lapantapis kamaq y lapanpaq munayyuq Tayta Dios payta kachamurqan noqansi rayku nakar wanunanpaq. Saynöpami wamrankunata salvar gloriaman pushanqa.

Hebreos 5:8

Tayta Diospa Surin karpis nakarraqmi cäsukuyta yachakurqan.