Levítico 7:17 - Tayta Diospa Wilakuynin

¹⁷ Ishkay junaqchöpis mana usharqa kimsa kaq junaqchöqa say aysata rupasinqana.

Levítico 7:17 ပူးပေါင်းရင်းမြစ်များ

Génesis 22:4

Kimsa junaq aywaykäyashqanchönami Abraham rikarqan say jirka karucho kaykämuqta.

Éxodo 12:10

Waraynin tutapaqqa imatapis ama pusüsiyanqasu. Pusuq kaqtaqa lapanta rupasiyanqa.

Éxodo 19:11

Kananpita kimsa junaqtami lapan rikaykäyämaptin Sinaí puntaman urämushaq. Saypaq kamarikushla shuyaraykäyämäsun.

Éxodo 29:14

Aysanta, qaranta y ashashnintaqa campamentupita jukläman apaykur rupasinki. Turïtuta altarcho rupasishqaykiqa purificasina sacrificiumi kanqa.

Éxodo 29:34

Tantatawan aysata say junaq mana ushaptinqa pusuq kaqta rupasinki. Saytaqa sagrädu kaptin ama pipis mikunqasu.

Oseas 6:2

Wanushno kaykashqapis elaqpitami sharkasimäshun. Nawpancho kawanansipaqmi yanapämäshun.

Levítico 10:16

Saypitanami Aarónta Moisés tapurqan: <> nir. Chïvupa aysanta mikuyänanpa trukan rupasiyashqanta musyaykurmi Aarónpa surinkuna Eleazarta y Itamarta Moisés olqutupar nirqan:

Levítico 19:6

Jawka kawakuy sacrificiupaq pishtayashqayki uywapa aysanta say junaqla mikuyanki. Pusuptin imaptinqa waray junaqpis mikuyanki. Ishkay junaqchöpis say aysata mana usharqa kimsa kaq junaqchöqa rupasiyanki.

Levítico 19:7

Kimsa junaqchöqa say aysa asyarishqami kanqa. Rupasinaykipa trukan mikuptikiqa say sacrificiu rurashqayki manami välinqanasu.

1 Corintios 15:4

Saynöpis nishqannölami Jesucristo wanur pamparashqanpita kimsa junaqta kawarimurqan.