Levítico 4:21 - Tayta Diospa Wilakuynin

²¹ Nirkurnami campamentupita jukläman jorquskir jukaq turïtuta rupasishqanno rupasinqa. Say turïtuqa Israel runakuna jusayuq kayashqanpita purificash kayänanpaq sacrificiumi kanqa.

Levítico 4:21 ပူးပေါင်းရင်းမြစ်များ

Esdras 8:35

Saypitanami Jerusalénman noqawan shamuqkuna Israel runakunapa jutincho sacrificiuta rupasiyänanpaq cürakunaman entregayarqä chunka ishkay turïtukunata, esqun chunka soqta (96) carnikunata y qanchis chunka qanchis (77) carnishkunatapis. Saynölami purificasina sacrificiupaqpis chunka ishkay chïvukunata entregayarqä. Saykunatami Tayta Diosta adorar lapanta rupasiyarqan.

Éxodo 29:14

Aysanta, qaranta y ashashnintaqa campamentupita jukläman apaykur rupasinki. Turïtuta altarcho rupasishqaykiqa purificasina sacrificiumi kanqa.

Ezequiel 45:22

Fiesta qalaykunan junaqmi mandaq autoridä kikinpa jusanpita y qamkunapa jusaykikunapitapis juk turïtuta churamunqa cürakuna pishtar altarcho rupasiyänanpaq.

Levítico 16:15

<

Levítico 16:21

Chïvupa umanman makinta churaykur Tayta Diosta wilapanqa Israel runakuna lutankunata rurayashqanta, contran sharkuyashqanta y jusalikuyashqanta. Sayno wilaparmi Israel runakunapa lapan jusankunata chïvuman jitapanqa apakunanpaq. Nirkurmi juk runa sunyaqman apaykur chïvuta kachariykunqa aywakunanpaq.

Levítico 16:27

<

Levítico 4:13

<<

Levítico 4:20

Sayno rupasinqa mandaq cüra jusayuq kashqanpita turïtupa wiranta altarcho rupasishqannölami. Sayno rupasiptinmi Israel runakuna jusayuq kayashqanpita purificash kar perdonash kayanqa.

Levítico 6:11

11 (4) Saypitanami jatirashqan mödanata trukakuskir püru sitiuman uchpata apanqa. Sayqa kanqa campamentupita juklächömi.

Levítico 6:23

23 (16) Cürakuna apayämushqan ofrendataqa pipis ama mikunqasu. Saykunataqa lapantami rupasinqa>>.

Levítico 8:17

Turïtupa qaranta, aysanta y ashashnintami isanqa campamentupita jukläman apaykur rupasirqan. Tayta Dios nishqannölami lapantapis Moisés rurarqan.

Números 15:24

juk turïtuta rupasina sacrificiupaq apayämunki. Rupasina sacrificiuta rupasiyaptinmi mushkuynin Tayta Diospa shonqunpaqno kanqa. Saynöpis apayämunki saki mikuy ofrendata y altarman winananpaq vïnutapis. Saykunatawan juk chïvutapis apayämunki purificasina sacrificiupaq. Say sacrificiukuna kanqa qamkunacho runakuna mana musyayninpa jusalikuyashqanpitami.

Mateo 20:28

Runapa Surinpis manami sirvish kananpaqsu shamush, sinöqa sirvinanpaq y runakuna rayku wanur askaqta salvananpaqmi>>.

2 Corintios 5:21

Jusaynaq kaykaptinpis lapan jusansitami Jesucristuta Tayta Dios jitapash. Saymi jusayuq runano noqansi rayku wanuptin paycho kaptinsi jusaynaqtano Tayta Dios chaskimansi.

Hebreos 13:11

Nawpa kaq pactuchöqa runakuna jusalikuyashqanpita mandaq cürakunami uywakunapa yawarninta Lugar Santïsimuman apayaq. Say uywakunapa aysantanami campamentupita jorqurir rupasiyaq.