Tayta Dios nishqannölami paykunaqa tutapapis tardipapis rupasina sacrificiukunata rupaykäsiyan y inciensuwan qoshniykäsiyan. Saynölami purificash mësamanpis sagrädu tantakunata churaykäyan. Qori candelabrukunamanpis cada tardimi aksita sariykäsiyan. Saynömi noqakunaqa Tayta Diosninsi nishqanta cumpliykäyä. Qamkunaqa manami pay nishqanta cäsuykäyankisu.
33 (34) Say qellay kanqa sagrädu tantapaq, waran waran rupasina saki mikuy ofrendapaq, waran waran rupasina sacrificiukunapaq, jamay junaq sacrificiukunapaq, lulu killacho y wakin fiestakunachöpis sacrificiukunapaq, sagrädu ofrendakunapaq, jusalikuyashqanpita purificasina sacrificiukunapaq y Tayta Diosninsita adorash templucho ima gastupaqpis.