Levítico 16:12 - Tayta Diospa Wilakuynin

¹² Nirkurnami Tayta Diospa nawpancho kaykaq altarpita shanshaykaq carbonta inciensu qoshnisikunanwan juntata Tinkuna Toldu rurinman apanqa. Saynölami ishkay aptay ñuchu aqash mushkuq inciensutapis apanqa. Tinkuna Toldu rurincho kaykaq cortïnata päsarmi Lugar Santïsimuman saykunata apanqa.

Levítico 16:12 ပူးပေါင်းရင်းမြစ်များ

Éxodo 31:11

Saynöpis rurayanqa sagrädu aceitita y Tinkunansi Toldupaq inciensuta. Qamta yäsishqänölami lapantapis rurayanqa>>.

Éxodo 37:29

Saynölami perfümita ruraqkuna rurayashqanno sagrädu aceitita y mushkuq inciensutapis rurarqan.

Levítico 10:1

Aarónpa surinkuna Nadabwan Abiúmi inciensu qoshnisikuyänankunaman shanshatawan inciensuta winaykur Tayta Diospa nawpancho qoshnisiyarqan. Isanqa manami pay munashqannösu qoshnisiyarqan.

Números 16:18

Moisés nishqannölami cada ünun qoshnisikunanman shanshata y inciensuta winarkur Tinkuna Toldu patiuman shayämurqan. Saychömi Moiséswan Aarónpis kaykäyarqan.

Números 16:46

46 (17.11) Saymi Aarónta Moisés nirqan: <>.

Deuteronomio 33:10

Nishqaykikunatapis Jacobpita miraq runakunatami tantiyasiyan. Leynikikunatapis Israel runakunatami yachasiyan. Nawpaykichömi inciensuwan qoshnisiyan. Altar jananchömi rupasina sacrificiuta rupasiyan.

Hebreos 9:14

Jesucristo yawarninta cruzcho jichash kaptin manami janalansipasu purificash kaykansi, sinöqa manakaqkunata rurashqansipita shonqunsipis purificashnami kaykan. Sayno purificash karmi imayyaqpis kawaq Tayta Diosta sirvinsi. Jesucristuqa Espíritu Santupa munayninwan Tayta Dios munashqan sacrificiuno kar noqansi rayku wanuptinmi sayno purificash kaykansi.

Hebreos 9:7

Lugar Santïsimumanmi isanqa mandaq cürala watacho juk kuti yaykuq. Uywapa yawarninta apakurkurmi yaykuq kikinpa jusanpita y runakunapis mana tantiyakuypa jusalikuyashqanpita perdonta manakunanpaq.

1 Juan 1:7

Tayta Dios asikyaycho kashqanno noqansipis asikyaycho kawarmi jukninsi jukninsi kuyanakuykansi. Saynöpis Surin Jesucristumi yawarninwan lapan jusansita maylamansi.

Apocalípsis 8:5

Say angilmi inciensu qoshnisikunanman altarcho kaykaq shanshata winarkur kay pasaman jitaramurqan. Saymi asikyaypa asikyar elqukurqan, maqakuypis seqaypami bunrurumurqan y pasapis fiyupami suksukyarqan.