Levítico 15:14 - Tayta Diospa Wilakuynin

¹⁴ Puwaq kaq junaqchöna Tinkuna Toldu patiuman apamunqa ishkay kulkushkunata karpis o ishkay pushapa palumakunata karpis. Saykunatami Tayta Diospa nawpancho cürata entreganqa.

Levítico 15:14 ပူးပေါင်းရင်းမြစ်များ

Levítico 1:14

<<

Levítico 12:6

<<

Levítico 12:8

<< >>.

Números 6:10

Saypita waraynin junaqnami ishkay kulkushkunata karpis o ishkay pushapa palumakunata karpis Tinkuna Toldu patiuman apaykur cürata entreganqa.

2 Corintios 5:21

Jusaynaq kaykaptinpis lapan jusansitami Jesucristuta Tayta Dios jitapash. Saymi jusayuq runano noqansi rayku wanuptin paycho kaptinsi jusaynaqtano Tayta Dios chaskimansi.

Hebreos 10:10

Jesucristumi Tayta Dios munashqanta rurar sacrificiupaq noqansi rayku juk kutila wanurqan. Saynöpami perdonashna kar Tayta Diospa nawpancho jusaynaqna kaykansi.

Hebreos 10:12

Jesucristumi isanqa jusansikunapita perdonamänansipaq juk kutila wanurqan. Kananqa Tayta Diospa aluq kaq nawpanchömi jamaraykan.

Hebreos 10:14

Jesucristo juk kutila wanuptinmi akrashqan runakuna imayyaqpis salvash kayänanpaq Tayta Dios perdonarqan.

Hebreos 7:26

Jesucristo mandaq cüra kaptin kushikunsimi. Paymi jusaynaq santu kar Tayta Dios munashqanno kawarqan. Jusalikur kawaq runakunawan purirpis manami imaypis jusalikurqansu. Jana pasachöpis lapanpita mas respitashqami kaykan.