Levítico 14:5 - Tayta Diospa Wilakuynin

⁵ Jukaq pishquta wanuskasirnami pukyupita chaqamushqan yaku winaraykaq mitu mankaman yawarninta jutusinqa.

Levítico 14:5 ပူးပေါင်းရင်းမြစ်များ

Levítico 14:4

purificakunanpaqmi apasimunqa ishkay püru kaq pishqukunata, cedru qeruta, puka tëlata y hisöpu jachata.

Levítico 14:50

Juk pishquta wanurkasirmi pukyupita chaqamushqan yaku winaraykaq mitu mankaman yawarninta jutusinqa.

Levítico 14:6

Say yawaryuq yakumannami ushmasinqa kawaykaq pishquta, cedru qeruta, puka tëlatawan hisöpu jachata.

Números 5:17

Saypitanami sagrädu yakuta mitu väsuman winaykur say yakuman Sagrädu Tolducho kaykaq alpata shuntarkur winanqa.

2 Corintios 13:4

Munayniynaq runano cruzcho wanuptinpis Tayta Diosmi munayninwan payta kawarisimush. Saynölami noqakunapis Jesucristuman yärakur kikiläkunapitaqa munayniynaq kaykarpis Tayta Diospa munayninwan qamkunata corrigiyäshayki.

2 Corintios 4:7

Say ali wilakuyqa shonqükunacho kaykan mitu mankacho seqaypa väliq riquëza kaykaqnömi. Noqakuna mitu mankanöla karmi kikïkunapa podernïkunawansu wilakuyä, sinöqa Tayta Diospa poderninwanmi.

2 Corintios 5:1

Musyansimi kay cuerpunsi ushakaptinpis mana ushakaq mushuq cuerputa Tayta Dios qomänansipaq kashqanta. Kay pasachöqa cuerpunsi ushakaq suklanölami kaykan. Gloriachömi isanqa mushuq cuerpunsi Tayta Dios rurashqan ali wayinöna kanqa.

Hebreos 2:14

Diospa wamrankuna ushakaqla kayaptinmi Jesucristupis noqansino yurirqan y noqansino wanurqan. Sayno wanurmi wanuypaq munayyuq diabluta vincirqan.