Jueces 7:22 - Tayta Diospa Wilakuynin

²² Cornëtakunata kimsa pachak (300) Israel runakuna tukaykäyaptinmi madianita runakunata Tayta Dios pantakäsirqan kikinpura espädawan wanusinakuyänanpaq. Wakin kaq madianita soldädukunanami Zereraman aywaq nänipa qeshpir Bet-sitaläpa aywakuyarqan. Wakinnami chäyarqan Tabatpa nawpan Abel-meholapa lindërunyaq.

Jueces 7:22 ပူးပေါင်းရင်းမြစ်များ

1 Reyes 19:16

Saypita aywakur Israel nacionpa mandaqnin rey kananpaq Nimsipa surin Jehúpa umanmanpis aceitita winapanki. Saynöpis qampa trukayki profëta kananpaq Abel-mehola markapita Safatpa surin Eliseupa umanmanpis aceitita winapanki.

1 Reyes 4:12

Ahiludpa surin Baanami gobernador karqan Taanaccho, Meguiducho y intëru Bet-seáncho. Bet-seán karqan Saretán cercancho y Jezreelpa uraqancho. Saynöpis gobernador karqan Bet-seánpita hasta Abel-meholayaq y Jocmeam washaläninyaqmi.

2 Crónicas 20:23

Saymi Seir jalqakunapita aywaq runakunapa contran sharkur amonita runakuna y moabita runakuna chipyaq wanusiyarqan. Nirkurnami kikinpura tinkuypa tinkur wanusinakur ushanakuyarqan.

Salmo 83:9

9 (10) Paykunata wanurasiy madianita runakunata unay wanusishqaykino. Paykunata ushakäsiy Sísaratapis Jabíntapis Cisón raqra nawpancho ushakäsishqaykino.

Isaías 19:2

Tayta Diosmi nin: <

Isaías 9:3

3 (2) Kuyashqayki runakunatami yanapashkanki. Kushikuytapis shonqunkunamanmi churashkanki. Cosëcha wisan kushikuqnöraqmi nawpaykicho kushikuyanqa. Riquëzata rakipänakur kushikuyashqannöraqmi kushikuyanqa.

Isaías 9:4

4 (3) Contrapartinkunata ushakäsirmi paykunapa munayninpita salvanki. Unay ayllunkunata madianita runakunapa munayninpita jorqushqaykinömi yapaypis salvanki.

Ezequiel 38:21

<<

Habacuc 3:14

Say nacionkunapita shamuq soldädukunami waqya tamyano shayämurqan wakpa kaypa qarqayämänanpaq. Yaqa runa jäkuqcho asaltar kushikushqannömi paykunapis atacayämashpan kushikuyarqan. Jina kaqtami kikinpa flëchankunawan flëchar ushakäsishkanki.

Hageo 2:22

Reykunatami manakaqman churashaq. Munayyuq nacionkunapis vincish kayänanpaqmi kamakäsishaq. Guërra carrëtankunatapis manijaqnintintami kuchpakäsishaq. Cawallun loqash aywaqkunapis kikinpurami wanusinakuyanqa.

Zacarías 14:13

Say wisanmi Tayta Dios say runakunata fiyupa mansariyman churanqa. Saymi kikinpura chikinakur pelyayanqa.

2 Corintios 4:7

Say ali wilakuyqa shonqükunacho kaykan mitu mankacho seqaypa väliq riquëza kaykaqnömi. Noqakuna mitu mankanöla karmi kikïkunapa podernïkunawansu wilakuyä, sinöqa Tayta Diospa poderninwanmi.

Josué 3:16

Saretán particho kaykaq Adam markapita janamanpa yaku sapakäkurqan. Saymi say markapita uramanpa Arabá Lamaryaq yaku sakikäkurqan. Arabá Lamarqa Kachi Lamarmi kaykan. Jordán mayu sayno sakiskiptinnami Israel runakuna Jericó markaläpa simpayarqan.

Josué 6:16

Qanchis kaq tumaycho cornëtata tukarayämuptinmi runakunata Josué nirqan: <<¡Qaparäyay! ¡Tayta Diosmi kay markata makinsiman churamush!

Josué 6:20

Cornëtakunata cürakuna tukayaptin y Israel runakunapis qaparäyaptinmi marka saparaq murälla elaqpita juchurqan. Juchuskiptinnami markaman yaykur

Josué 6:4

Sayno rurar Pactu Babulpa puntanta qanchis cürakuna aywayanqa cornëtankuna aptash. Qanchis kaq junaqcho isanqa cornëtakunata cürakuna tukayämuptin qanchis kuti lapayki tumapäyanki.

1 Samuel 18:19

Mashan kayta mana munaptinmi Davidta täsinanpaq kaq tiempu chämuptinpis Mehola markapita Adriel nishqan runawan surin Merabta Saúl täsirqan.