Jueces 7:20 - Tayta Diospa Wilakuynin

²⁰ Saymi wakin kaq runakunapis cornëtata tukayashpan uyllunkunata pakiyarqan. Isuq kaq makinwanmi aksita aptaräyarqan y aluq kaq makinwannami cornëtata tukaykäyarqan. Say hörami sinchipa qayarar niyarqan: <<¡Tayta Diospa espädanwan y Gedeónpa espädanwanmi contransikunata atacashun!>>

Jueces 7:20 ပူးပေါင်းရင်းမြစ်များ

Isaías 27:13

Say wisan cornëtata tukamuptinmi Asiriacho tarpis y Egiptucho tarpis nacionnikiman kutiyämunki. Jerusalénman kutiykamurmi sagrädu lömacho Tayta Diosta adorayanki.

Jeremías 47:6

<

1 Corintios 15:52

Mushuq cuerpuyuqqa elaqpita tikrashun ultimu kaq cornëtata tukaskamuptinmi. Say junaqmi mana ushakaq mushuq cuerpuyuqna wanushkuna kawariyämunqa. Saynölami noqansi kawaykaqkunapis mushuq cuerpuyuq rikakushun.

2 Corintios 4:7

Say ali wilakuyqa shonqükunacho kaykan mitu mankacho seqaypa väliq riquëza kaykaqnömi. Noqakuna mitu mankanöla karmi kikïkunapa podernïkunawansu wilakuyä, sinöqa Tayta Diospa poderninwanmi.

1 Tesalonicenses 4:16

Jana pasapita Jesucristo kutimuptinmi mandaq ángel sinchipa qayakamushqan y Tayta Diospa cornëtanta tukamushqanpis wiyakämunqa. Say hörami Jesucristuman yärakuykar wanukuqkuna puntata kawariyämunqa.

Hebreos 11:4

Abelpis Tayta Diosman yärakurmi wawqin Caínpita mas alinnin kaq sacrificiuta Tayta Diospaq rupasirqan. Abel rupasishqanta chaskirmi Tayta Dios musyasirqan ali runa kashqanta. Abel unayna ushakäkush kaykaptinpis rurashqanta kananyaqmi yarpansi.

Josué 6:16

Qanchis kaq tumaycho cornëtata tukarayämuptinmi runakunata Josué nirqan: <<¡Qaparäyay! ¡Tayta Diosmi kay markata makinsiman churamush!

Josué 6:20

Cornëtakunata cürakuna tukayaptin y Israel runakunapis qaparäyaptinmi marka saparaq murälla elaqpita juchurqan. Juchuskiptinnami markaman yaykur

Josué 6:4

Sayno rurar Pactu Babulpa puntanta qanchis cürakuna aywayanqa cornëtankuna aptash. Qanchis kaq junaqcho isanqa cornëtakunata cürakuna tukayämuptin qanchis kuti lapayki tumapäyanki.

2 Pedro 1:15

qamkunata yarpaykäsï wanukuptïpis yäsishqäkunata imaypis yarparäyänaykipaq.

Jueces 7:19

Sayno yäsirkurmi ishkay punta runakunata Gedeón puntasirqan. Paykunapa qepantanami pachak (100) runakunawan Gedeón aywar pulan paqas chäyarqan madianita soldädukunapa campamentun kuchunman. Say hörami täpaq soldädukuna trukanakuykäyarqan. Campamentuman chaykurmi cornëtata tukayarqan y apayashqan uyllukunatapis pakiyarqan.

Jueces 7:21

Sayno nirmi Israel runakunaqa maypapis mana kuyukuypa madianita runakunapa campamentun kuchunman jiruruypa churakäyashlancho ichiräyarqan. Saynami madianita runakunaqa qaparäyashpan qeshpiyta munar wakpa kaypa cörrikachäyarqan.

1 Samuel 11:11

Saymi waraynin junaq soldädunkunata Saúl rakirqan kimsa puntaman. Pasa manaraq waraptinmi say kimsa punta soldädukuna amonita runakunaman elaqpita yaykuykur wanusiyarqan pulan junaqyaq. Mana wanusiyashqan kaq amonita runakunanami wakpa kaypa mashiypa mashir qeshpiyarqan.