Jueces 6:3 - Tayta Diospa Wilakuynin

³ Cada watami cosëcha wisan madianita runakuna, amalecita runakuna y inti jeqamunan kaqlächo taq wakin runakunapis Israel runakunata atacayaq.

Jueces 6:3 ပူးပေါင်းရင်းမြစ်များ

Génesis 25:6

Concubïna warminkunacho kaq surinkunataqa walka walkalami imaykantapis aypurqan. Aypurkurmi paykunata nirqan inti jeqamunanläman aywakuyänanpaq. Saynöpami Isaacpita karuchöna täyarqan.

Génesis 29:1

Sayno aywarmi Jacob charqan inti jeqamunan kaqlächo taq runakuna kayashqanman.

1 Reyes 20:27

Saynölami Acabpis Israel soldädukunata shuntaykur aywarqan Siria soldädukunawan pelyayänanpaq. Siria soldädukunaqa tishyayparaq saysikami kayarqan. Israel soldädukunami isanqa ishkay kuncha cabrakunanöla kayarqan.

1 Reyes 4:30

30 (5.10) Salomónqa mas yachaqmi karqan Egiptucho taq yachaq runakunapita y inti jeqamunanlächo taq yachaq runakunapitapis.

1 Reyes 5:10

10 (24) Saymi Hiram jorqasiparqan Salomón munashqan cedru y ciprés qerukunata.

Job 1:3

Saynölami karqan qanchis waranqa (7,000) uyshankuna, kimsa waranqa (3,000) camëllunkuna, pisqa pachak (500) yuntankuna, pisqa pachak (500) ashnunkuna y askaq ashmayninkunapis. Tashqan kaqchöqa lapanpitapis mas rïcu y respitashqami karqan.

Job 31:8

Saykunata rurash kaptïqa murupakushqäkunatapis juk runakunana shuntayäsun. Plantashqäkunatapis jaqwapita lukiriyäsun.

Éxodo 17:8

Israel runakuna Refidimcho taykäyaptinmi amalecita runakuna atacaq aywayarqan.

Isaías 11:14

Saypa trukanqa Judá runakunapis Efraín runakunapis shuntakarkur aywarmi inti jeqanan kaqlächo kaykaq Filistea nacionta atacayanqa. Inti jeqamunan kaqlächo taqkunatapis vincirmi imaykanta apakuyanqa. Edom nacionpis y Moab nacionpis paykunapa makinchömi kayanqa. Amón nación runakunapis paykuna niyashqantami rurayanqa.

Isaías 62:8

Tayta Dios munayyuq kashpanmi jurar Jerusalén markata nirqan: <

Jeremías 49:28

Kaychömi qelqaraykan Cedar runakunapaq y Hazor runakunapaq Tayta Dios nishqan. Say runakunatami Babiloniapa mandaqnin rey Nabucodonosor vincir ushakäsirqan. <<¡Cedar runakunata aywar atacayay! ¡Inti jeqamunan kaqlächo taqkunata chipyaq ushakäsiyay!

Ezequiel 25:3

niy: <¡Tayta Dios nishushqaykita wiyayay! Paymi niyäshunki: Templüta ushakäsiyaptin <> nirmi fiyupa kushipäyashkanki. Saynölami kushipäyashkanki Israel nacionta asular Judá runakunata jukläpa apakuyaptinpis.

Ezequiel 25:4

<<

Levítico 26:16

mansariypaq castigarmi qamkunaman kachamushaq fiebrita, nawi nanayta, aywapakayta y wanusikuq qeshyatapis. Contraykikuna shamur cosëchaykikunata apakuyaptinmi murupakuyashqaykipis manakaqlapaq kanqa.

Miqueas 6:15

Mururpis manami cosechayankisu. Aceitünasta aqayaptikipis lushikuyänaykipaq aceiti manami kanqasu. Üvata jaruyaptikipis vïnuta upuyänaykipaq manami kanqasu.

Deuteronomio 28:51

Say soldädukunaqa uywaykikunatapis mikuynikikunatapis chipyaqmi apakuyanqa. Lapanta apakur manami kachapäyäshunkisu trïgutapis, vïnutapis, aceititapis, ni ima uywaykipa wawankunalatapis. Lapanta ushayaptinmi pasaypa mikanaylawan wanuyanki.

Jueces 10:12

sidonio runakuna, amalecita runakuna y madianita runakunapis nakasiyäshuptiki manakayämarqaykimi. Sayno manakayämaptiki ¿manaku paykunapa munayninpita jorqamurqä?

Jueces 3:13

Saymi amonita y amalecita runakunawan Israel runakunata vinciykur Palmëra Markata qechuyarqan.

Jueces 6:2

Madianita runakuna fiyupa nakasiyaptinmi Israel runakuna mansariyashpan pakakuyänankunata rurayarqan qaqakunacho, machaykunacho y pipis mana yaykunankunacho.

Jueces 6:33

Say wisanmi madianita runakuna, amalecita runakuna y inti jeqamunan kaqlächo taq wakin runakunapis shuntakäyashpan Jordán mayuta simparir Jezreel pampacho campamentunkunata sharkasiyarqan.

Jueces 6:4

Saymi Israel runakunapa chakrankunacho campamentunkuna rurakuykur lapan mikuyninkunata Gaza partiyaq ushayaq. Israel runakuna mikuyänanpaq ima mikuytapis manami kachapäyarqansu. Saynölami uyshankunatapis cabrankunatapis wäkankunatapis ashnunkunatapis apakuyaq.

Jueces 7:12

Campamentunchömi madianita runakuna, amalecita runakuna y inti jeqamunan kaqläpita shamuq wakin runakunapis pitishnöraq saysika shuntaraykäyarqan. Saynölami camëllunkunapis yupayta mana atipaypaq kaykäyarqan.

Jueces 8:10

Sayyaqmi inti jeqamunan kaqläpita shamuq soldädunkunawan Zebawan Zalmuna Carcorman chäyarqan. Paykunapa soldädunkunata Gedeónpa yanapaqnin runakuna pachak ishkay chunka waranqatami (120,000) wanusiyarqan. Saymi chunka pisqa waranqalana (15,000) soldädunkuna kayarqan.