Jueces 4:3 - Tayta Diospa Wilakuynin

³ Rey Jabínpami karqan fiërrupita rurash esqun pachak (900) guërra carrëtankuna. Ishkay chunka (20) wata pasaypa nakasiptinmi Israel runakuna Tayta Diosta manakuyarqan salvananpaq.

Jueces 4:3 ပူးပေါင်းရင်းမြစ်များ

Salmo 106:42

Makincho sarararnami contrankunaqa penqayman churar nakasiyarqan.

Salmo 50:15

Nakaykuna shamuptin manakayämay. Manakayämaptikiqa yanapäyäshaykimi. Yanapashqäta tantiyakurmi alabayämanki>>.

Salmo 78:34

Wakinta wanusishqanta rikaykurraqmi Tayta Diosman yärakuyarqan. Saynöparaqmi lapan shonqunkunawan perdonta manakuyarqan.

Éxodo 2:23

Saypita aska wata päsarkuptinnami Egipto nacionpa mandaqnin rey wanurqan. Israel runakunaqa ashmay kar jinalami fiyupa nakaykäyarqan. Saymi lakikuyashpan jorquykunanpaq Tayta Diosta manakuyarqan.

Deuteronomio 28:29

Qaprayash karmi junaqpapis sakaypano lamkaykachar puriyanki. Ima rurayashqaykipis manakaqlapaqmi kanqa. Waran waranmi yana ashnuntano arusiyäshunki. Pipis favorniki mana sharkuptinmi suwakuna imaykitapis apakuyanqa.

Deuteronomio 28:33

Mana reqiyashqayki jäpa runakuna shamur chakraykikuna wayushqanta apakuyaptin manakaqlapaqmi aruyashqaykipis kanqa. Waran waran mana kuyapaypa arusiyäshuptiki pasaypami nakayankipis.

Josué 17:16

Niptinmi niyarqan: <>.

Jueces 1:19

Tayta Dios yanapaptinmi Judá trïbu runakunaqa jalqakunacho taq runakunata wanusir ushayarqan. Costacho taq runakunatami isanqa ushakäsiyta kamäpakuyarqansu, fiërrupita rurash guërra carrëtankuna kaptin.

Jueces 10:10

Tayta Diosta manakur niyarqan: <>.

Jueces 10:16

Sayno nirmi Israel runakunaqa adorayashqan ïdulunkunata ushakaskasir Tayta Dioslatana adorayarqan. Saymi fiyupa nakayashqanta rikar Tayta Dios kuyaparqan.

Jueces 3:15

Saymi Tayta Diosta manakuyaptin Gerapa surin Aodta Tayta Dios yanaparqan Israel runakunata salvananpaq. Aodqa isuq makinwan imatapis ruraqmi karqan. Saynöpis Benjamín trïbu runami karqan. Paywanmi Israel runakunaqa impuestu shuntayashqanta rey Eglónman apasiyarqan.

Jueces 3:9

Saymi Tayta Diosta manakuyaptin paykunata salvananpaq Calebpa sobrinun Otonielta Tayta Dios ali yanaparqan. Otonielpa papänin Cenazqa Calebpa shulka wawqinmi karqan.

Jueces 4:13

fiërrupita rurash esqun pachak (900) carrëtankunata y lapan soldädunkunata shuntaykur Sísaraqa Haroset-goimpita Cisón raqraman aywayarqan.

Jueces 4:4

Say wisanmi Israel runakunapa jueznin kaykarqan Tayta Diospa wilakuqnin profetïsa Débora. Pay karqan Lapidotpa warminmi.

Jueces 5:8

<

Jueces 6:6

Madianita runakuna sayno rurayaptinmi Israel runakuna pasaypa muchuyman chäyarqan. Sayno nakarmi Tayta Diosta manakuyarqan yanapänanpaq.

1 Samuel 7:8

Samuelta niyarqan: <<¡Filisteo runakunapita salvamänansipaq mana kachaypa Tayta Diosninsita manakuykulay!>>