Jueces 4:16 - Tayta Diospa Wilakuynin

¹⁶ Say junaqmi Baracqa Sísarapa soldädunkunata y carrëta manijaqkunatapis espädawan lapanta wanusiyarqan Haroset-goimyaq.

Jueces 4:16 ပူးပေါင်းရင်းမြစ်များ

Salmo 104:35

Jusalikuqkuna kay pasacho ushakäyäsun. Yaqa runakuna lapanpis elaqäyäsun. Lapan shonqüwanmi Tayta Diosta alabashaq. ¡Aleluya!

Salmo 83:10

10 (11) Endorchömi paykunata ushakäsirqayki. Ayankunapis saychömi ismur jitaräyarqan.

Salmo 83:9

9 (10) Paykunata wanurasiy madianita runakunata unay wanusishqaykino. Paykunata ushakäsiy Sísaratapis Jabíntapis Cisón raqra nawpancho ushakäsishqaykino.

Éxodo 14:28

Rakiraykashqanpita yaku kutirmi Faraónpa carrëtankunatapis, cawallunkunatapis soldädunkunatapis chipyaq nitirqan. Saymi Israel runakunata qatipar yaykuqkunaqa lapan ushakäyarqan.

Isaías 43:17

Nirkurmi aska carrëtankunawan y cawallunkunawan Israel runakunata qatipämuq soldädukunata ushakäsirqä. Ushakäsiptï manami imaypis kawariyämushsu. Aksi upiqnömi lapanpis elaqäyash.

Romanos 2:12

Saymi leyninkunata musyaqkunatapis y mana musyaqkunatapis jusalikuyashqanpita Tayta Dios ushakäsinqa. Leyninkunata musyaqkunataqa say leykuna nishqanmanmi juzganqa.

Santiago 2:13

Runa mayikita mana kuyapäyaptikiqa qamkunatapis Tayta Dios manami kuyapäyäshunkisu. Runa mayikita kuyapäyaptikimi isanqa qamkunatapis kuyapäyäshunki.

Josué 10:10

Sayno atacayaptinmi amorreo runakunapa shonqunkunaman pasaypa mansariyta Tayta Dios churarqan. Saynöpami Israel runakuna saysika runakunata Gabaóncho wanusiyarqan. Wakintanami qeshpiykäyaqta qatipaykur Bet-horónpa aywaq nänicho wanusiyarqan. Bet-horónpitanami wakintapis Azecayaq y Macedayaq wanusiyarqan.

Josué 11:8

Atacayaptinmi Tayta Dios yanaparqan lapanta ushakäsiyänanpaq. Saymi qatikachäyarqan jatun Sidón markayaq y Misrefot-maimyaq. Saynöpis inti jeqamunan kaqläpa qatikachäyarqan Mizpa pampayaq. Sayno pelyar manami juklaylatapis kawaykaqta kachaykuyarqansu.

Jueces 4:17

Say wisanmi Hazorpa mandaqnin rey Jabín yachanänakuyarqan ceneo ayllu Heberwan. Saymi Sísaraqa chakilapa qeshpir Heberpa toldun kaykashqanman charqan. Saychömi Heberpa warmin Jael kaykarqan.

Jueces 4:2

Saymi Tayta Diosqa Hazor markacho cananeo runakunapa mandaqnin rey Jabínpa munayninman kachapaykurqan. Soldädunkunapa capitannin Sísarami Haroset-goim markacho tarqan.