Jueces 3:16 - Tayta Diospa Wilakuynin

¹⁶ Impuestuta manaraq aparmi Aodqa pulan metru largutano ishkan lädunpa afilash espädata rurarqan. Nirkurmi mödanan rurinpa aluq kaq seqlanman jatirkurqan.

Jueces 3:16 ပူးပေါင်းရင်းမြစ်များ

2 Samuel 20:8

Gabaóncho jatun rumi kaykashqanman chaykäyaptinnami Amasa yarqamurqan paykunawan tinkunanpaq. Joabqa pelyananpaq kaq mödanan jatish y cinturonninman cuchillun warkapashqami purirqan. Amasaman tinkuq aywarmi say cuchilluta pakaylapa jipiskirqan.

Salmo 149:6

Ishkan waqtanpa ali afilash espädata aptarkur lapan shonquykikunawan Tayta Diosta alabayay.

Salmo 45:3

3 (4) Shumaq kamaränaykipaq seqlaykiman espädaykita jatikuy. Espädaykiwanran waräwa rikakunki.

Cantares 3:8

Lapanpis espäda manijaq y pelyay yachaq soldädukunalami kaykäyan. Sakaypa imapis kaptin jukla pelyayänanpaqmi seqlancho espädata purisiyan.

Hebreos 4:12

Tayta Diospa palabran kawaq karmi munayyuq kaykan. Ishkan waqtanpa ali afilash espädapitapis mas fïlu karmi shonqunsimanpis, yarpayninsimanpis y toqshunsimanpis chaykun imano kashqansitapis tantiyasimänansipaq.

Apocalípsis 1:16

Aluq kaq makinchömi qanchis qoyllarkunata sarararqan. Shiminpitanami ishkan lädunpa afilash espäda yarqamurqan. Qaqlanpis intinöraqmi chipipirqan.

Apocalípsis 2:12

<

Jueces 3:15

Saymi Tayta Diosta manakuyaptin Gerapa surin Aodta Tayta Dios yanaparqan Israel runakunata salvananpaq. Aodqa isuq makinwan imatapis ruraqmi karqan. Saynöpis Benjamín trïbu runami karqan. Paywanmi Israel runakunaqa impuestu shuntayashqanta rey Eglónman apasiyarqan.

Jueces 3:17

Saypitanami impuestu shuntayashqanta apar rey Eglónman chäsirqan. Eglónqa fiyupa wera runami karqan.

Jueces 3:21

Saynami aluq kaq seqlanpita isuq kaq makinwan espädanta jorqurir Aodqa Eglónta pachanpa elaqpita tuksiriykurqan.