Jueces 20:2 - Tayta Diospa Wilakuynin

² Lapan trïbunkunapitami Israel runakunapa mandaqninkunapis kaykäyarqan. Chusku pachak waranqa (400,000) runakunami espädanwan saycho shuntakäyarqan.

Jueces 20:2 ပူးပေါင်းရင်းမြစ်များ

2 Samuel 14:13

Sayno niptinmi warmi nirqan: <

2 Samuel 24:9

Rey Davidman kutiykurmi ayka runakunata censayämushqantapis Joab wilarqan. Israelcho taq runakunata censar tariyarqan puwaq pachak waranqa (800,000) runakunata. Judácho taq runakunata censarnami tariyarqan pisqa pachak waranqa (500,000) runakunata. Lapan say censayashqan runakunaqa guërraman aywayänanpaq edäninchömi kayarqan.

2 Reyes 3:26

Soldädunkunata vinciykäyashqanta rikaskirmi Moab nacionpa mandaqnin reyqa yarpachakurqan edomita soldädukunata atacar saypa qeshpiyänanpaq kashqanta. Espäda manijayta yachaq qanchis pachak (700) soldädunkunata shuntaykur atacarpis manami vinciyta kamäpakuyarqansu.

Josué 22:12

yarpäyarqan Tayta Diospa contran sharkuyashqanta. Saymi Siluman shuntakäyarqan altarta perqaq runakunawan pelyaq aywayänanpaq.

Jueces 20:15

Guërraman aywayänanpaq shuntakaq Benjamín trïbu runakunaqa kayarqan ishkay chunka soqta waranqami (26,000). Say karqan Gabaa markacho taq qanchis pachak (700) pelyayta yachaq runakunata mana yupaylapami.

Jueces 20:17

Wakin trïbu Israel runakunanami guërracho pelyay yachaqlantaq chusku pachak waranqa (400,000) shuntakäyarqan.

Jueces 20:3

Mizpaman Israel runakuna shuntakäyashqanta musyarpis Benjamín trïbu runakunaqa manami aywayarqansu. Mizpachömi Leví trïbu runata Israel runakuna tapuyarqan: <<¿Imanöpataq concubïna warmikita wanusiyash?>> nir.

Jueces 8:10

Sayyaqmi inti jeqamunan kaqläpita shamuq soldädunkunawan Zebawan Zalmuna Carcorman chäyarqan. Paykunapa soldädunkunata Gedeónpa yanapaqnin runakuna pachak ishkay chunka waranqatami (120,000) wanusiyarqan. Saymi chunka pisqa waranqalana (15,000) soldädunkuna kayarqan.

1 Samuel 11:8

Bezeccho shuntakaq runakunata Saúl yupaptinmi kimsa pachak waranqa (300,000) Israelpita kayarqan y kimsa chunka waranqa (30,000) Judápita kayarqan.