Jueces 2:9 - Tayta Diospa Wilakuynin

⁹ Wanuykuptinnami Timnat-seracho kikinpa chakranman pampayarqan. Say karqan Gaas jirka norti kaqläpa y Efraín jalqakunachömi.

Jueces 2:9 ပူးပေါင်းရင်းမြစ်များ

Josué 19:49

Posisionninkuna aypuyta ushaskiptinmi Nunpa surin Josuétapis posisionninta Israel runakuna rikasiyarqan wakin kaq trïbukuna chaskiyashqan posision chawpincho.

Josué 19:50

Tayta Dios nishqannömi Josué manakuptin markata aypuyarqan. Saymi chaskirqan Efraín jalqakunacho kaq Timnat-sera markata. Josuéqa say markata alsar wayikunatapis yapay sharkaykasirmi saycho tarqan.

Josué 24:29

Saypita manapis aykälatanami pachak chunka (110) watayuq kaykar Tayta Diospa sirviqnin Josué wanukurqan.

Josué 24:30

Wanuykuptinmi Timnat-seracho kikinpa chakranman pampayarqan. Say karqan Gaas jirka norti kaqläpa y Efraín jalqakunachömi.

Jueces 1:1

Josué wanuykuptinnami Israel runakuna Tayta Diosta tapukuyarqan: <<¿Mayqan trïbu runakunataq cananeo runakunawan pelyaq puntata aywayanqa, Taytay?>> nir.

Jueces 2:8

Saypitanami Tayta Diospa sirviqnin Josué pachak chunka (110) watayuq kaykar wanukurqan.