Jueces 10:4 - Tayta Diospa Wilakuynin

⁴ Jairpami kayarqan kimsa chunka (30) olqu surinkuna. Say surinkuna lapanpis ashnun loqashlami puriyaq. Paykunami Galaad particho kaykaq kimsa chunka markakunapa mandaqnin kayarqan. Say markakunatami kananyaqpis Jairpa markankuna kashqanta niyan.

Jueces 10:4 ပူးပေါင်းရင်းမြစ်များ

2 Samuel 16:2

Paywan tinkurmi rey David tapurqan: <<¿Imapaqtaq kaykunata apamushkanki?>> nir. Saymi Siba nirqan: <>.

Zacarías 9:9

<<¡Sión runakuna, seqaypa kushikuyay! ¡Jerusalén runakuna, kushikur cantayay! Rikayay mandaqniki rey shamuykaqta. Paymi alilata ruraq salvashuqniki kaykan. Humildi karmi ashnun loqash shamuykan. Malta ashnun loqashqami shamuykan.

Números 32:41

Saynölami Manaséspa surin Jairpita miraq runakuna amorreo runakunapa wakin taksha markankunata sarikuyarqan. Say partitami jutisiyarqan Havot-jair jutin kananpaq.

Deuteronomio 3:14

Argob partitami Manasés trïbu Jair jutiyuq runa sarikurkurqan Gesurpa y Maacapa lindërunyaq. Sarikurkurnami say partita kikin jutisirqan Havot-jair jutin kananpaq. Kananyaqpis say jutilami kaykan.

Jueces 10:3

Tola wanuskiptinnami Galaadpita kaq Jairna Israel runakunapa jueznin karqan. Pay mandarqan ishkay chunka ishkay (22) watami.

Jueces 10:5

Jair wanuykuptinmi pampayarqan Camón markaman.

Jueces 12:14

Abdónqa puwaq watami Israel runakunapa jueznin karqan. Paypa olqu surinkuna kayarqan chusku chunkami (40). Wilkankunanami kayarqan kimsa chunka (30). Surinkunapis wilkankunapis ashnun loqashlami puriyaq.

Jueces 5:10

Fïnu ashnulata loqaraq rïcukuna y silla janalancho purikuqkuna, lapayki cantayay. Chakilapa puriqkunapis, Diosta alabayay.