Juan 6:63 - Tayta Diospa Wilakuynin

⁶³ Manami pipis kikilanpitasu mana ushakaq kawayta tarin, saypa trukanqa Espïritupitaraqmi. Noqa yachasishqäqa Espíritu Santupita karmi mana ushakaq kawayta qoyäshunaykipaq kaykan.

Juan 6:63 ပူးပေါင်းရင်းမြစ်များ

Génesis 2:7

Saypitanami alpapita runata Tayta Dios kamarkur kawananpaq senqanpa pükarqan. Saynöpami kawaq runa kananpaq kamarqan.

Salmo 119:130

Palabraykita yachasiptinqa runapa shonqun asikyarkunmi. Humildi runaqa juklami tantiyakun.

Salmo 119:50

Promitimashqaykikuna imaypis shakyäsimanmi. Saynöpami lakish kaykaptïpis consulamanki.

Salmo 119:93

Imaypis manami qonqäshaqsu yachasikuynikita. Saykunata cäsukurmi ali kawaykä.

Proverbios 4:13

Yachasishqäkunata mana qonqaypa ruray. Saykunata cäsukurqa ali kawaytami tarinkipaq.

Juan 5:21

Sayno espantakuyanki wanushkunata Taytä kawayta qoshqanno noqapis munashqä kaqkunata kawayta qoptïmi.

Juan 6:68

Saymi Simón Pedro nirqan: <

Hechos 5:20

<>.

Romanos 10:17

Imano kaptinpis Jesucristupa ali wilakuyninta wiyarraqmi payman pipis yärakun.

Romanos 2:25

Tayta Diospa leyninkunata cumpliyaptikiqa señalakuyashqaykipis alimi kaykan. Leyninkunata mana cumpliyaptikimi isanqa señalakuyashqaykipis manakaqlapaq kaykan.

Romanos 8:2

Jusalikuypa munaynincho kashqansipitami Espíritu Santu jorqamashkansi. Jusalikuypa munaynincho wanushno karpis Jesucristo salvamashqami ali kawaytana tarinsi.

1 Corintios 15:45

Tayta Diospa palabranchöpis kaynömi qelqaraykan: <>. Qepa kaq Adántami isanqa kawasikuq espíritu kananpaq kawarisimush.

Gálatas 5:25

Espíritu Santupa munaynincho kaykarqa pay tantiyasimashqansino kawashun.

Gálatas 5:6

Jesucristuta chaskikush kashqanqa manami señalakush kashqansisu ni mana señalakush kashqansisu välin, sinöqa payman yärakur kuyanakur kawashqansimi.

Gálatas 6:15

Saymi [Jesucristucho kashqaqa] señalakush kashqansisu ni mana señalakush kashqansisu välin. Mushuq kamash runana kashqansimi isanqa rasunpaypa välin.

Deuteronomio 32:47

Kay leykunata manami walälapaqsu yachasishkä, saypa trukanqa saykunata cumplir ali kawayta tariyänaykipaqmi. Say leykunata cumplirqa Jordán mayuta simpaykur posisionta chaskir aska watami saycho kawayanki>>.

1 Tesalonicenses 2:13

Tayta Diospa ali wilakuyninta wilapäyaptï manami runakunapa yarpaynin kashqantasu yarpäyashkanki, saypa trukanqa Tayta Diospa wilakuynin kashqantami. Sayno tantiyarmi lapan shonquykikunawan chaskikuyashkanki. Wilakuyninta wiyarmi tantiyakuyashkanki pay munashqanno kawayänaykipaq. Saymi imaypis Tayta Diosta agradëcikuyä.

1 Timoteo 4:8

Física rurayqa kay pasacho kawashqansiyaqlami ali kaykan. Tayta Dios munashqanno kawaymi isanqa kay pasacho y gloriachöpis ali kawanansipaq kaykan.

Hebreos 13:9

Lutan yachasikuqkuna yachasiyashqanta ama chaskipäyaysu. Manami paykuna niyashqannösu reqish mikuykunalata mikur Tayta Dios munashqanno kawansi, saypa trukanqa Tayta Dios yanapämashqami.

Hebreos 4:12

Tayta Diospa palabran kawaq karmi munayyuq kaykan. Ishkan waqtanpa ali afilash espädapitapis mas fïlu karmi shonqunsimanpis, yarpayninsimanpis y toqshunsimanpis chaykun imano kashqansitapis tantiyasimänansipaq.

Santiago 1:18

Kikin munashqannölami ali wilakuyninwan mushuq kawayta qomashkansi lapan kamashqankunapitapis mas kuyay wamrankuna kanansipaq.

1 Pedro 1:23

Sayno kawayänaykipaqmi yapay yurishno kaykäyanki. Manami mamaykikunapitasu ni taytaykikunapitasu say kawayta chaskikuyashkanki, sinöqa Diospa palabranta chaskikuyashqaykipitami. Paypa palabranqa kawaq karmi imaypis ushakanqasu.

1 Pedro 3:18

Jesucristupis jusaynaq kaykarmi jusasapakuna rayku nakarqan. Tayta Diosman pushamänansipaqmi jusalikushqansipita juk kutila wanurqan. Wanuptinpis Espíritu Santumi kawarisimurqan.

1 Pedro 3:21

Say yakuqa bautizakushqansi yakunömi kaykan. Bautizakushqansiqa manami cuerpunsi limpiu kananpaqsu kaykan, sinöqa jusalikuykunata kacharir Tayta Dios munashqanno kawanansipaqmi. Saymi Jesucristo kawarimush kaptin salvakunsi.