Juan 5:29 - Tayta Diospa Wilakuynin

²⁹ Alita ruraqkunaqa kawarirkamurmi imayyaqpis kawayanqa. Mana alita ruraqkunami isanqa kawarimurpis infiernuman qaykush kayanqa.

Juan 5:29 ပူးပေါင်းရင်းမြစ်များ

Jeremías 32:19

Qam yarpashqaykikunaqa mana atipaypaqmi. Lapan rurashqaykikunapis seqaypa alimi. Rikaykankimi runakuna imata rurayashqantapis. Saymi rurayashqanman tupu yanapanki o castigankipis.

Lucas 14:14

Paykuna mana kutisiyäshuptikipis ali ruraq runakuna kawariyämushqan junaqmi Tayta Dios kutisishunkipaq>>.

Hechos 24:15

Ali runakunatapis mana ali runakunatapis Tayta Dios kawarisimunanpaq kashqanta paykuna criyiyashqannömi noqapis criyï.

1 Timoteo 6:18

Saynöpis rïcukunata yachasiy alikunata imaypis rurayänanpaq y wakin runakunata riquëzankunawan yanapäyänanpaq.

Hebreos 10:27

Saypa trukanqa juiciu finalcho paykunata shuyaraykan bunyaypa bunyaykaq ninalami. Say ninaqa Tayta Diospa contrankunata lapantami ushakäsinqa.

Hebreos 13:16

Saynöpis mana qonqaypa alikunata rurayay. Jukniki jukniki imalawanpis yanapänakuyay. Sayno kawarmi Tayta Dios munashqan sacrificiukunata payman apaqno kaykansi.

1 Pedro 3:11

Lutankunata rurayänaykipa trukanqa alilata rurayay. Rimanakuyänaykipa trukanqa piwanpis ali kawayay.