Juan 20:1 - Tayta Diospa Wilakuynin

¹ Semäna qalaykunan junaqmi María Magdalena saka sakala Jesús pamparaykashqan kaqman aywarqan. Chaykurmi sepultüra saparaq rumi witisish kaykaqta tarirqan.

Juan 20:1 ပူးပေါင်းရင်းမြစ်များ

Mateo 27:56

Paykunawanmi kaykarqan María Magdalena, Santiagupa y Josépa maman María y Zebedeupa warminpis.

Mateo 27:60

qaqacho sayraq uchkush sepultüraman pamparqan. Saypitanami jatunkaray rumiwan sepultürapa punkunta sapaykur aywakurqan.

Mateo 27:64

Sayno nish kaykaptinqa sepultürata kimsa junaqyaq soldäduykikunawan täpaykasilay. Manasayqa discïpulunkuna Jesúspa ayanta [sakaypa] suwarkurmi runakunata criyisiyanqa wanushqanpita kawarimushqanta. Sayno lulakurqa say runa engañashqanpita peormi runakunata engañayanqa>>.

Mateo 27:66

Sayno niptinmi aywaykur sepultüra saparaykaq rumita sëllayarqan pipis kichaptin musyakänanpaq. Nirkurnami soldädukunata täpayänanpaq kachaykuyarqan.

Mateo 28:1

Jamay junaq päsarkuptinnami domingu tuta saka sakala María Magdalenawan juknin María aywayarqan Jesús pamparashqan sepultüra rikaq.

Mateo 28:2

Aywaykäyaptinmi Tayta Dios kachamushqan ángel jana pasapita urämuptin pasa fiyupa suksukyarqan. Jesús pamparaykashqan sepultüraman chaykurmi saparaq rumita witiskasir jananman jamakuykurqan.

Marcos 15:46

Saymi lïnupita rurash säbanasta rantiykur Jesúspa ayanta cruzpita jorquskir piturqan. Nirkurmi qaqacho uchkush sepultüraman churaykur jatunkaray rumiwan punkuta saparqan.

Marcos 16:9

[Domingu tuta Jesús kawarirkamurmi puntata yuriparqan María Magdalenata. Paypitami qanchis supaykunata nawpata qarqush karqan.

Juan 11:38

Fiyupa lakishqami Jesús charqan Lázaro pamparashqan machayman. Punkunnami jatun rumiwan sapararqan.

Juan 11:41

Sayno niptinmi saparaykaq rumita witirasiyarqan. Jesúsnami jana pasapa rikärir nirqan: <

Juan 19:25

Crucificaraykashqan kaqchömi kaykäyarqan Jesúspa maman, mamanpa nanan, Cleofaspa warmin María y María Magdalenapis.

Juan 20:26

Saypita juk semänatanami discïpulunkuna yapay juk wayicho shuntaraykäyarqan. Saychömi isanqa Tomáspis kaykarqan. Punkuta trancakurkur kaykäyaptinmi Jesús paykunapa nawpancho elaqpita yuriskir winchikurqan: <<¡Ali kaway qamkunacho kaykuläsun!>> nir.

Hechos 20:7

Domingu junaqmi Santa Cënata upuyänäpaq wawqi panikunawan shuntakäyarqä. Waraynin tutana aywakunan kaptinmi pulan paqasyaq Pablo yachasirqan.

1 Corintios 16:2

Semäna arur gänayashqaykipita cada domingu cada ünuyki aykalatapis churayanki. Ama noqa chämuptïraqqa shuntaykäyankisu.

Apocalípsis 1:10

Saycho kaykarmi domingu junaq Espíritu Santupa munaynincho kashpä wiyarqä cornëta tukamuqnöraq qepächo kayno nimuqta: