Juan 19:31 - Tayta Diospa Wilakuynin

³¹ Pascuacho jamay junaq qalaykunanpaqna kaptinmi Israel runakunapa autoridäninkuna munayarqansu jamay junaqcho pipis crucificaränanta. (Pascuacho jamay junaqqa pasaypa sagrädumi karqan.) Saymi Pilatuta manakuyarqan cruzcho wanuyta nakaykaqkunapa chankankunata pakiskir cruzpita jorquyänanpaq.

Juan 19:31 ပူးပေါင်းရင်းမြစ်များ

Éxodo 12:16

Punta kaq junaq y qanchis kaq junaq adorayämänaykipaq shuntakäyanki. Say junaqkuna ima aruytapis ama aruyankisu. Mikuytami isanqa mikuyänaykipaq yanukuyanki.

Proverbios 12:10

Ali runaqa uywantapis kuyapanmi. Fiyu runami isanqa kuyapaytapis yachansu.

Miqueas 3:3

Tayta Dios kuyashqan runakunata mikuqnömi kaykäyanki. Qaranta shipraskir tulunta pakiqnömi kaykäyanki. Caldukuyänaykipaq aysanta kusuqnömi munashqaykita ruraykäsiyanki.

Mateo 27:62

Jesús wanushqanpita waraynin jamay junaqnami mandaq cürakuna y fariseukunapis Pilato kaqman aywaykur

Marcos 15:42

Jamay junaqpaq kamarikuyänan junaq tardina kaptinmi

Juan 19:1

Sayno niyaptinmi Jesústa Pilato astasirqan.

Juan 19:14

Say höraqa karqan pulan junaqnömi. Say tardimi Pascua fiestacho jamay junaq qalaykunanpaqna karqan. Saychömi Pilato nirqan: <<¡Mandaqniki reyta rikayay!>>

Juan 19:42

Jamay junaq qalaykunanpaqna kaptinmi say sepultüralamanna Jesústa pampayarqan.

Josué 8:29

Hai markapa mandaqnin reyta wanuskasirmi ayanta tardiyaq qeruman warkusirqan. Inti jeqaykaptinnami jorqarkasir marka yaykunaman apasirqan. Nirkurmi aya jananman rumikunata qotuyänanpaq nirqan. Say rumikuna kananyaqmi qoturaykan.