Juan 17:23 - Tayta Diospa Wilakuynin

²³ Paykunawan juklaylanömi kaykä y qampis noqawan juklaylami kaykanki. Saynöpami paykunapis juk shonqula kuyanakur kawayaptin kachamashqayki Cristo kashqäta runakuna tantiyakuyanqa. Saynöpis tantiyakuyanqa noqata kuyamashqaykino paykunatapis kuyashqaykita.

Juan 17:23 ပူးပေါင်းရင်းမြစ်များ

Juan 10:38

Pay munashqanno kaptinqa criyiyämay. Nishqäkunata wiyayashlaykiwan mana criyirqa milagru rurashqäkunapita criyiyämay. Saynöpami tantiyayanki noqacho Taytä kashqanta y paycho noqa kashqäta>>.

Juan 13:35

Sayno kuyanakuyaptikimi pïmaypis musyayanqa discïpulükuna kayashqaykita>>.

Juan 14:10

¿Manaku criyinki Taytäwan juklayla kaykashqäta y Taytäpis noqawan juklayla kaykashqanta? Saymi qamkunata nishqäkuna kikïpa cuentaläpitasu kaykan, sinöqa noqacho kaykaq Taytäpitami. Paymi munashqanta noqawan ruran.

Juan 14:23

Saymi Jesús nirqan: <

Juan 15:9

<

Juan 16:27

Sayno manakuyanki Taytä kuyayäshuptikimi. Paymi kuyayäshunki paypita shamushqäta criyir kuyayämaptiki.

Juan 17:11

Kay pasapita qam kaqman kutimuptïpis paykunaqa kay pasachöraqmi kaykäyanqa. Santu Tayta Dios, noqansi juklayla kashqansino paykunapis juklaylano kayänanpaq rikaykulay.

Juan 17:21

Noqansi juklayla kashqansino kikinpurapis y noqansiwanpis juklaylano kawayänanpaq yanapaykulay. Sayno kawayashqanta rikarmi wakin runakunapis tantiyakuyanqa kachamashqayki Cristo kashqäta.

Juan 17:24

<

Juan 17:26

Qampa wilakuynikitami yachasishkä. Saynölami imaypis yachasishaq noqawan juklaylano kawayänanpaq y noqata kuyamashqaykino paykunapis kuyanakuyänanpaq>>.

Juan 17:3

Mana ushakaq kawayta tariqkunaqa qamtami reqiyäshunki. Saynölami noqatapis reqiyäman. Saynöpami tantiyakuyan japalayki Dios kashqaykita y noqata kachamashqaykita.

Juan 17:8

Lapan nimashqaykitami paykunata yachasishkä. Saymi yachasishqäkunata chaskikur qampita kay pasaman shamushqäta tantiyakuyan.

Juan 3:17

Manami runakunata infiernuman qaykunanpaqsu Tayta Dios Surinta kachamurqan, saypa trukanqa payman yärakuyaptin salvananpaqmi.

Juan 6:56

Aysäta mikuq kaqqa y yawarnïta upuq kaqqa noqawanmi juklaylano kanqa y noqapis paywanmi juklaylano kashaq.

1 Corintios 1:30

Qamkunataqa Jesucristucho kayänaykipaqmi Tayta Dios salvayäshushkanki. Noqansi raykumi Jesucristuta Tayta Dios churarqan yachayninsi kananpaq, salvamaqninsi kananpaq, perdonamaqninsi kananpaq y rantimaqninsi kananpaqpis.

2 Corintios 5:21

Jusaynaq kaykaptinpis lapan jusansitami Jesucristuta Tayta Dios jitapash. Saymi jusayuq runano noqansi rayku wanuptin paycho kaptinsi jusaynaqtano Tayta Dios chaskimansi.

Gálatas 3:28

Saymi Israel runa karpis mana Israel runa karpis, ashmay karpis mana ashmay karpis, olqu karpis warmi karpis Jesucristucho karqa Tayta Diospa wamranna kaykansi.

Filipenses 3:15

Jesucristuman shumaq yärakuqkuna, nishqäkunata tantiyakuyay. Tantiyayta mana kamäpakuyaptiki Tayta Diosmi tantiyasiyäshunki.

Colosenses 1:28

Saymi Tayta Dios yachayta qoyämashqan tupu Jesucristupa wilakuyninta lapan runakunata wilapar shumaq tantiyasiyä. Sayno wilakuyä Jesucristuta pïmaypis chaskikur Tayta Diospa nawpanman jusaynaqna chäyänanpaqmi.

Colosenses 2:2

Qamkunapaq manakuykä Tayta Dios munashqanno kushish kawayänaykipaq y jukniki juknikipis juk shonqula kuyanakur kawayänaykipaqmi. Saynöpis manakuykä Tayta Diospa wilakuyninta shumaq tantiyakuyänaykipaqmi. Saynöpami runakuna mana musyash kayaptinpis tantiyansi Jesucristo kayninpa salvamashqansita.

Colosenses 3:14

Imano karpis kuyanakur jukniki juknikipis juk shonqula kawayay.

1 Pedro 5:10

Noqansi rayku Jesucristo wanush kaptinmi kuyapäkuq Tayta Dios qayamashkansi gloriacho imayyaqpis kawanansipaq. Saymi kay pasacho nakashqapis Tayta Dios yanapämäshun mana jusalikunansipaq, pay munashqanno kawanansipaq y payman shumaq yärakunansipaqpis.

1 Juan 1:3

Rikayashqäta y wiyayashqätami qamkunata musyaykäsiyä. Saynöpami Tayta Diospa y Surin Jesucristupa nawpancho kawayashqäno qamkunapis paypa nawpancho kawayankipaq.

1 Juan 3:1

¡Tantiyakuyay! ¡Tayta Dios seqaypami kuyamansi! Kuyamashpansimi <> nimansi. Rasunpaypami wamrankuna kaykansi. Wamran kashqansitaqa Tayta Diosta mana chaskikuq runakuna manami tantiyayansu. Sayno tantiyayansu Tayta Diosta mana reqirmi.

1 Juan 4:19

Puntata pay kuyamashqami noqansipis [payta] kuyansi.

Apocalípsis 3:9

< nikarpis lulakuykäyanmi. Paykunaqa Satanás munashqantami ruraykäyan. Tayta Dios kuyashqan runakuna kayashqanta niyaptinpis qamkunatami noqa kuyä. Sayta musyayänanpaqmi puntaykiman qonqurpakuyänanpaq mandashaq.