Juan 17:15 - Tayta Diospa Wilakuynin

¹⁵ Chikiyaptinpis manami kay pasapita jukla pushakunaykipaqsu manakamü, saypa trukanqa Satanáspita sapaykunaykipaqmi.

Juan 17:15 ပူးပေါင်းရင်းမြစ်များ

Génesis 48:16

Imayka mana alipitapis sapämaq Angilmi kaykanki. Kanan kay maqtakunata bendicionnikita qoykulay. Paykuna ali kawaykuyäläsun noqata, awilü Abrahamta y papänï Isaacta runakuna imaypis yarpäyämänanpaq. Efraínpa y Manaséspa surinkunapis aska kaykuyäläsun. Paykunapita miraqkunapis kay pasacho saysika kaykuyäläsun>>.

1 Crónicas 4:10

Israel runakunata kuyaq Tayta Diostami Jabes manakurqan: <> nir. Sayno manakuptinmi Tayta Dios payta yanaparqan.

Salmo 121:7

Tayta Diosmi sapämansi imapis mana päsamänansipaq.

Salmo 30:9

9 (10) Wanuptï ¿ima provëchutaq qampaq kanqa? Pamparaptï ¿imatataq jorqunki? Wanushkunaqa manami alabayäshunkinasu. Ni ali kashqaykitapis manami wilakuyanqanasu.

Eclesiastés 9:10

Sayno kaptinqa lapantapis kushish ruranki. Wanuskirnaqa manami imatapis rurankinasu, yachankinasu ni musyankinasu.

Isaías 57:1

Tayta Diosta sirviq ali runakuna wanuyaptin manami pipis lakikunsu. Manana nakayänanpaq Tayta Dios shuntakushqanta manami pipis tantiyansu.

Mateo 5:37

Awnirqa awniyanki, y mana cumpliyänayki kaptinqa ama awniyankisu. Jurayparaq awnirqa Satanás munashqannömi parlaykäyanki.

Mateo 6:13

Jusalikuyman ama kachaykayälämaysu. Saypa trukanqa mana alikunapita sapaykayälämay. [Qampa makikichömi imaykapis kaykan. Lapanpaq munayyuqmi kaykanki. Imayyaqpis alabash kaykulay. Amén.]> >>

Lucas 11:4

Chikimaqnïkunata perdonayashqäno noqakunatapis perdonaykayälämay. Jusalikuyman ama kachaykayälämaysu. [Saypa trukanqa mana alikunapita sapaykayälämay]>>.

Lucas 22:32

Saymi Tayta Diosta manakushkä yärakuyniki mana ushakänanpaq. Saymi noqaman yapay yärakamarna discïpulu mayikikunata shakyäsinki shumaq noqaman yärakayämunanpaq>>.

Gálatas 1:4

Papäninsi Tayta Dios munashqannömi kay pasacho jusalikuypita salvamänansipaq Jesucristo wanurqan.

2 Tesalonicenses 3:3

Tayta Diosmi imaypis yanapaykäyäshunki payman yärakuyänaykipaq y ima jusamanpis Satanás mana ishkisiyäshunaykipaq.

2 Timoteo 4:8

Kananqa shuyaraykä ali juzgaq juez Señor Jesucristo kutimunan junaq corönata entregamänanpaq kashqantami. Say coröna kaykan paypa nawpancho jusaynaqta chaskimashqanmi. Manami noqalasu corönata chaskishaq, sinöqa Jesucristuta shuyakuqkuna lapanmi chaskiyanqa.

1 Juan 5:18

Musyansimi Tayta Diospa wamran kashpansi manana jusalikushqansita. Saynöpis Tayta Diospa Surin Jesucristumi Satanáspita sapaykämansi.

1 Juan 5:19

Musyansimi Tayta Diospa wamranna kashqansita. Saynöpis musyansimi intëru kay pasa Satanáspa munaynincho kaykashqanta.