Juan 14:20 - Tayta Diospa Wilakuynin

²⁰ Say junaqmi tantiyayanki Taytächo noqa kaykashqäta, noqacho qamkuna kaykäyashqaykita y qamkunacho noqa kaykashqätapis.

Juan 14:20 ပူးပေါင်းရင်းမြစ်များ

Juan 10:38

Pay munashqanno kaptinqa criyiyämay. Nishqäkunata wiyayashlaykiwan mana criyirqa milagru rurashqäkunapita criyiyämay. Saynöpami tantiyayanki noqacho Taytä kashqanta y paycho noqa kashqäta>>.

Juan 14:10

¿Manaku criyinki Taytäwan juklayla kaykashqäta y Taytäpis noqawan juklayla kaykashqanta? Saymi qamkunata nishqäkuna kikïpa cuentaläpitasu kaykan, sinöqa noqacho kaykaq Taytäpitami. Paymi munashqanta noqawan ruran.

Juan 14:11

Taytäwan juklayla kaykashqäta y paypis noqawan juklayla kaykashqanta nikaptïqa criyiyämankiman. Nishqäkunata mana criyiyämashpaykipis milagru rurashqäkunata rikaykarqa criyiyämay.

Juan 16:23

Yapay tinkushnaqa mananami imatapis tapuyämankinasu. <

Juan 16:26

Say wisanqa manami noqanasu qamkunapaq Taytäta manakuykäshaq, sinöqa kikikikunami jutïcho manakuyanki.

Juan 17:11

Kay pasapita qam kaqman kutimuptïpis paykunaqa kay pasachöraqmi kaykäyanqa. Santu Tayta Dios, noqansi juklayla kashqansino paykunapis juklaylano kayänanpaq rikaykulay.

Juan 17:26

Qampa wilakuynikitami yachasishkä. Saynölami imaypis yachasishaq noqawan juklaylano kawayänanpaq y noqata kuyamashqaykino paykunapis kuyanakuyänanpaq>>.

Juan 17:7

Kananqa lapan yachasishqäkuna y rurashqäkuna qam munashqaykinöla kashqanta musyayannami.

Juan 6:56

Aysäta mikuq kaqqa y yawarnïta upuq kaqqa noqawanmi juklaylano kanqa y noqapis paywanmi juklaylano kashaq.

Romanos 16:7

Saynöpis salüdüta qoykuyälanki Israel mayïkuna Andrónicuta y Juniastapis. Paykunawanmi carcilcho wichqaräyarqä. Paykunami noqapita mas puntata Jesucristuta chaskikuyash. Lapan apóstol mayïkunapis paykunata kuyayanmi.

Romanos 8:1

Saymi Jesucristucho kaqkunaqa condenashsu kayanqa. [Jusalikur kawayänanpa trukanqa Espíritu Santu tantiyasishqannömi kawaykäyan.]

1 Corintios 1:30

Qamkunataqa Jesucristucho kayänaykipaqmi Tayta Dios salvayäshushkanki. Noqansi raykumi Jesucristuta Tayta Dios churarqan yachayninsi kananpaq, salvamaqninsi kananpaq, perdonamaqninsi kananpaq y rantimaqninsi kananpaqpis.

2 Corintios 12:2

Jesucristuman yärakuq reqishqä runatami chunka chusku wata qepatana kimsa kaq ciëluman Tayta Dios aparqan. Isanqa manami musyäsu cuerpuntin aywashqanta o jaynilan aywashqantapis. Saytaqa Tayta Dioslami musyan.

2 Corintios 13:5

Jesucristuman rasunpaypa yärakuyashqaykita o mana yärakuyashqaykitapis kikikikuna tantiyakuyay. ¿Manaku tantiyayanki Jesucristo qamkunawan kaykashqanta? Payman mana yärakuyaptikiqa manami qamkunawansu kaykan.

2 Corintios 5:17

Pipis Jesucristucho karqa mushuq kamash runanami kaykan. Unay kawayqa päsashnami. Kananqa lapanpis mushuqnami kaykan.

2 Corintios 5:19

Say wilakuyqa kaynömi nikan: Jesucristuchömi Tayta Dios karqan runakunata jusalikuyashqanpita perdonar kikinwan amistananpaq. Say wilakuyta wilakuyänäpaqmi churayämash.

Gálatas 2:20

Noqaqa Jesucristuwan cruzcho wanushnömi kaykä. Manami noqanasu kawä, saypa trukanqa Jesucristumi noqacho kawan. Saymi Tayta Diospa Surinman yärakur kawaykä. Paymi kuyamashpansi noqansi rayku wanurqan.

Efesios 2:10

Jesucristucho kashqami alikunata rurar kawanansipaq mushuq kawayta Tayta Dios qomashkansi. Sayno kawanansipaqqa unaypita pasami destinamarqansi.

Colosenses 1:19

Sayno munayyuq kananpaqmi Jesucristucho Tayta Dios kaykan.

Colosenses 1:27

Saymi musyansi mana Israel runakunapaqpis say wilakuy seqaypa kushikuypaq kashqanta. Say wilakuymi nikan: Jesucristo qamkunachömi kaykan. Payman yärakurmi Tayta Diospa nawpanman chäyanki.

Colosenses 2:9

Jesucristo runa karpis Diosmi kaykan.

1 Juan 4:12

Tayta Diosta manami pipis rikashsu. Sayno kaptinpis kuyanakushqami noqansiwan kaykan. Saymi yanapaykämansi pay kuyakuq kashqanno noqansipis kuyakuq kanansipaq.