34 <
Lapan mansapakushuqnikipa amïgunmi kaykä. Paykunaqa munashqaykinömi kawayan.
Kay pasacho munashqaykino kawaq santu runakuna rasunpaypami ali runakuna kaykäyan. Paykunapita lapan shonqüwanmi kushikü.
<<
Kikikikunapura ali rikanakuyashqaykinöla paykunatapis ali rikayanki. Yarpäyay qamkunapis Egiptucho jäpa kayashqaykita. Noqami Tayta Diosniki kaykä.
Sayno niyaptinpis noqa nï: Chikishuqnikikunata kuyayanki. [Ashliyäshuptikipis ali shimilaykipa parlapäyanki. Mana ali rikayäshuptikipis ali rikayanki. Manakaqman churayäshuptikipis y] nakasiyäshuptikipis paykunapaq Tayta Diosta manakuyanki.
Mandamientü imata nishqantapis yapaymi nï: Jukniki juknikipis kuyanakur kawayay.
Noqansi juklayla kashqansino kikinpurapis y noqansiwanpis juklaylano kawayänanpaq yanapaykulay. Sayno kawayashqanta rikarmi wakin runakunapis tantiyakuyanqa kachamashqayki Cristo kashqäta.
Aylluykiwan kuyanakuyashqaykino kuyanakuyay. Saynöpis jukniki jukniki respitanakuyay. Kikilaykikuna ali kawayänaykipaq yarpachakuyänaykipa trukanqa wakinkunapis ali kawayänanpaq yarpachakuyay.
Runa mayinsita kuyarqa manami contran sharkunsisu. Saynöpami Tayta Diospa lapan leyninkunata cumpliykansi.
Pipapis jaqan karqa pägayay. Jaqa kaynikita pägayänaykipaq yarpachakuyashqaykinöla kuyanakuyänaykipaqpis yarpachakuyay. Runa mayinsita kuyarqa Tayta Diospa lapan leyninkunatami cumpliykansi.
Santu Espïritupa munaynincho kawarmi isanqa kuyanakunsi, kushikunsi, jawka kawansi, pacienciakunsi, ali shonqu kansi, yanapäkuq kansi, awnishqansita cumplinsi,
Jesucristuta chaskikush kashqanqa manami señalakush kashqansisu ni mana señalakush kashqansisu välin, sinöqa payman yärakur kuyanakur kawashqansimi.
Sayta musyaykarqa puëdishqansiman tupu pïmaytapis yanapäshun. Jesucristuman yärakuq mayinsi kaptinqa masraq yanapäshun.
Jukniki juknikipis shakyäsinakur yanapänakuyay. Saynöpami Jesucristo yachasimashqansi mandamientunta cumpliykäyanki.
Jesucristo kuyakuq kashqanno qamkunapis kuyakuq kayay. Kuyakuq karmi noqansi rayku wanur Tayta Diospaq mushkuq sacrificiuno kash.
Jesucristuman shumaq yärakuyashqaykita y yärakuq mayinsikunawan kuyanakuykäyashqaykitami musyayashkä.
Señor Jesucristo yanapaykuyäläshunki qamkunata kuyashqänöla kikikipura y wakin runakunawanpis kuyanakuyänaykipaq.
Wawqi panikuna, Jesucristuman waran waran mas yärakuyashqaykita y runa mayikita kuyayashqaykita musyarmi Tayta Diosta imaypis agradëcikuyä.
Say ayllunöla imaypis kuyanakur kawayay.
Tayta Diospa palabran kaynömi nikan: <>. Say leyta rasunpaypa cumplirqa alitami ruransi.
Wilakuyninta cäsukuyaptikimi Tayta Dios purificayäshushkanki kuyanakur kawayänaykipaq. Sayno kaykaptinqa lapan shonquykikunawan jukniki juknikipis kuyanakur kawayay.
Tayta Dios munashqanno kawar say ayllunöla ali rikanakuyay. Ali rikanakur pïmaywanpis kuyanakur kawayay.
Jukninsi jukninsipis kuyanakunansipaq kashqantaqa unaypitanami musyansi.
Tayta Diospa mandamientun nikan Surin Jesucristuman yärakunansipaq y jukninsi jukninsipis kuyanakunansipaqmi.
Tayta Diospa mandamientunchömi nimansi: <>.
Saymi kanan qamta ruwakü jukniki juknikipis kuyanakuyänaykipaq. Kay mandamientu manami mushuqsu kaykan, sinöqa nawpapitanami musyashkansi.
