Josué 9:17 - Tayta Diospa Wilakuynin

¹⁷ Sayta musyaykur ashiq aywayashpanmi kimsa junaq aywaycho tariyarqan Gabaón runakunapa markankunata. Paykunapa markankunami karqan Gabaón, Cafira, Beerot y Quiriat-jearim.

Josué 9:17 ပူးပေါင်းရင်းမြစ်များ

2 Samuel 4:2

Is-bosetmi asaltantikunata imaypis kachaq runakunata asaltayänanpaq. Say asaltantikunapa kukunkunami kayarqan Baana y Recab. Paykunaqa kayarqan Beerot markacho taq Rimónpa surinkunami. Beerot markaqa Benjamín trïbu runakuna täyashqanchömi kaykan.

1 Crónicas 2:50

Paykunami Calebpita miraqkuna karqan. Calebpa warmin Efratacho yuriq qechpa surin karqan Ur. Urpa surinmi karqan Quiriat-jearim markata sharkasiq Sobal,

1 Crónicas 2:52

Quiriat-jearim markata sharkasiq Sobalpa surinmi karqan Haroe. Saynöpis Sobalpitami mirayarqan pulan Manahet runakuna

1 Crónicas 2:53

y Quiriat-jearimcho taq runakunapis. Quiriat-jearimcho taq runakunami kayarqan itrita runakuna, futita runakuna, sumatita runakuna y misraíta runakuna. Misraíta runakunapitami mirayarqan zoratita runakuna y estaolita runakunapis.

1 Crónicas 21:29

Say wisanmi Tayta Dioswan Tinkuna Toldu y sacrificiuta rupasina altarpis Gabaón markalachöraq kaykarqan. Say toldutawan altarta Moisés rurasirqan sunyaq jirkacho Israel runakuna kaykäyaptinmi.

Esdras 2:25

Quiriat-jearim runakuna, Cafira runakuna y Beerot runakunami kayarqan qanchis pachak chusku chunka kimsa (743).

Nehemías 7:29

Quiriat-jearim runakuna, Cafira runakuna y Beerot runakunami kayarqan qanchis pachak chusku chunka kimsa (743).

Jeremías 26:20

Say wisanmi Semaíaspa surin Urías Tayta Diospa wilakuqnin profëta karqan. Payqa karqan Quiriat-Jearim markapitami. Jeremías nishqannölami paypis wilakurqan Judá nación y Jerusalén marka ushakäyänanpaq kayashqanta.

Josué 10:2

Gabaón markaqa Hai markapitapis mas jatun karmi rey tashqan markano karqan. Saycho taq runakunapis pelyayta yachaqmi kayarqan. Saymi Israel runakuna atacayaptin Gabaón runakuna yanapäyänanpaq kashqanta yarpar Adonisedec y Jerusaléncho taq runakunapis pasaypa mansariyarqan.

Josué 15:60

Saynöpis Judá trïbu runakunapami karqan Quiriat-baal (Quiriat-baalpa jukaq jutinqa karqan Quiriat-Jearimmi) y Rabá. Say markakuna ishkaymi caseriunkunawan karqan.

Josué 15:9

Saypa päsar löma jananpitaqa lindërun uraraykarqan Neftoacho yaku pashtaq pukyuyaqmi. Saypita päsarmi Efrón jalqakunacho kaykaq markakunayaq chärarqan. Saypitami tumararqan Baala markapa. Baalapa jukaq jutimi Quiriat-jearim karqan.

Josué 18:14

Saypita say löma kinralanpami lindëru päsararqan hasta inti jeqanan kaqlä kuchunyaq. Saypitami sur kaqläpa yapay tumarashpan Quiriat-baalyaq chärarqan. Quiriat-baalqa Judá trïbu runakunapa markanmi karqan. Say markapa jukaq jutinmi kaykan Quiriat-jearim. Inti jeqanan kaqlä lindërunmi päsararqan say markakunapa, jalqakunapa y raqrakunapa.

Josué 18:15

Sur kaqläpa aywaraq lindërunqa qalaykurqan Quiriat-jearimpa kuchunpitami. Saypitami inti jeqamunan kaqläpa päsar chärarqan Neftoa pukyuyaq.

Josué 9:16

Saypita kimsa junaqtanami Israel runakuna musyayarqan Gabaón runakuna cercalacho täyashqanta.

Josué 9:18

Saycho tarirpis yärakuyashqan Tayta Diospa jutincho autoridäkuna promitish kayaptinmi wanusiyarqansu. Gabaón runakunawan pactuta rurayashqanpitami Israel runakuna autoridäninkunapa contran rimayarqan.

Josué 9:3

Gabaóncho taq runakunami Jericó markata y Hai markata Josué ushakäsishqanta musyar

Josué 9:9

Sayno tapuptinmi niyarqan: <

Jueces 18:12

Judá trïbu runakuna täyashqan partiman chaykurmi Quiriat-jearimpita inti jeqanan kaqlächo posädakuyarqan. Saypitami kananyaqpis say partipa jutin Mahané-dan kaykan.

1 Samuel 6:21

Sayno niyashpanmi Quiriat-jearimman wilakuqkunata kachar niyarqan: <>.

1 Samuel 7:1

Wilakuq chaykur sayno niptinmi Bet-semesman aywaykur Tayta Diospa babulninta apakuyarqan. Quiriat-jearimman chaykasirnami Abinadabpa lömacho kaykaq wayinman churayarqan. Nirkurmi Abinadabpa surin Eleazarta churayarqan babulta rikananpaq.