Josué 8:9 - Tayta Diospa Wilakuynin

⁹ Sayno nirmi paykunata Josué kacharqan Hai markaläpa päsar inti jeqanan kaqlächo pakakuyänanpaq. Nishqannölami aywar pakakuyarqan manaraq Bet-el markaman chäyashpan. Josuénami campamentulacho quëdarqan.

Josué 8:9 ပူးပေါင်းရင်းမြစ်များ

Génesis 12:8

Saypitanami inti jeqamunan kaqlä Bet-el simpan jalqaman aywakurqan. Saychömi toldunta ichisir tarqan. Saychöpis juk altarta perqarkurmi Tayta Diosta manakur adorarqan. Tashqan kaqpita inti jeqanan kaqlächömi Bet-el marka karqan. Hai markanami kaykarqan inti jeqamunan kaqlächo.

Génesis 32:21

21 (22) Saynömi Esaúta qarananpaq rakishqan uywakunata puntanta qatisirqan. Nirkurnami posädakushlancho Jacob quëdakurqan.

Esdras 2:28

Bet-el runakuna y Hai runakunami kayarqan ishkay pachak ishkay chunka kimsa (223).

Nehemías 7:32

Bet-el runakuna y Hai runakunami kayarqan juk pachak ishkay chunka kimsa (123).

Josué 7:2

Jericó markapitami runakunata Josué kacharqan Hai markata rikapakayämunanpaq. Hai markaqa Bet-elpita inti jeqamunan kaqläpa y Bet-avén marka cercanchömi karqan. Saymi paykuna aywar Hai markata rikapakayämurqan.

Josué 8:10

Waraynin tutanami saka sakala campamentucho quëdaq runakunata Josué shuntarqan Hai runakunawan pelyaq aywayänanpaq. Say runakunapa puntanman churakarkurmi Israel mayor runakunawan aywayarqan.

Josué 8:12

Saypitanami wakin runakuna pakaraykäyashqanman pisqa waranqatano (5,000) runakunata Josué kacharqan. Say runakunaqa inti jeqanan kaqlächo y Haipita Bet-elman aywanachömi pakaraykäyarqan.

Josué 8:8

Markaman yaykuykur Tayta Dios nishqannöla wayikunata jukla rupasiyanki. Kay nishqäkunata mana qonqaypa rurayanki>>.

1 Samuel 30:27

Saynölami apasirqan Bet-elman, Neguev Ramotman, Jatirman,